/ATSH-Arbi Fortuzi/-. Supersfida e javës së 16-të të superligës shqiptare të futbollit, ajo mes Skënderbeut dhe Tiranës do të luhet në Elbasan.

Ky është vendimi i Federatës Shqiptare të Futbollit, konkretisht nga sektori i Garave. "Ndeshja Tirana-Skëndërbeu e kësaj jave, do të luhet në Elbasan Arena", thuhet në një njoftim të FSHF-së.

Ndeshja luhet të shtunën në datën 13 dhjetor në orën 13:00 dhe ishte parashikuar fillimisht në "Qemal Stafa", por mesa duket FSHF ka ndryshuar planet edhe pse nuk ka dhënë ndonjë shpjegim të argumentuar lidhur me këtë vendim të saj. Tashmë ndeshja do të luhet në qytetin e Elbasanit, në impiantin e ri të kuqezinjve.