Sydney Ellis: ndez skenën me një
performancë magjike tek Fusion

Këngëtarja me zërin fantastik Sydney Ellis pas koncerteve të shumta nëpër botë më në fund vjen për herë të parë në Shqipëri për të gjithë fansat e saj.

Vjen ekskluzivisht për të performuar në Tiranë këngëtarja me famë botërore me një histori suksesi dhe të veçantë në karrierën e saj.

Sydney Ellis është e ftuara speciale e Fusion, atë patët mundësi ta ndiqni ditën e sotme në një performancë live ku këngëtarja ka ndezur skenën më zërin e saj fantastik ndërsa të gjithë të ftuarit janë shprehur të kënaqur nga performanca e saj, por për të gjithë ata që e humbën mundësinë për të ndjekur këngët e saj do kenë mundësi ta ndjekin sërish nesër në orën 22:00 pranë Fusion në Aba Business Center.

Por për të gjithë ata që nuk e njohin kush është Sydney Ellis:

Ajo është konsideruar si një ndër zërat e rrallë, “premierë” të muzikës jazz dhe blues. Quhet Sydeny Ellis dhe ka një prej historive më të rralla, të përfshirjes në botën e muzikës. E filloi karrierën e saj, në rrethinat e Los Anxhelosit, në vitin 1991, në ditëlindjen e saj të 44-rt, kur vendosi të ngjitej në skenë.

Ëndrra u bë realitet. Që atëherë, mënyra e saj e të kënduarit, ka njohur vetëm rritje e ka lulëzuar në atë që vetë artistja e konsideron si trashëgimi kulturore në muzikën folklorike afro-amerikane. Ndërsa pjesa tjetër e botës e quan atë, blues, classic jazz etj. Për këtë arsye, prej tre vjetësh “qarkullon” në Europë, për pjesën tjetër të botës.

Që prej 1995-ës, Sydney ka realizuar mbi 1500 koncerte në 27 vende. Vendet e planifikuara për 2018-ën janë Gjermania, Portugalia, Franca, Zvicra dhe Shqipëria.

Repertori i Sydney Ellis përmban këngë nga emrat më të njohur të jazzit dhe bluesit si: Nina Simone, Billie Holiday, Johnny Lee Hooker, Louis Armstrong, Muddy Ëaters, Big Joe Turner, e shumë emra të tjerë.

Albumi i saj i fundit, i gjashti në numër, me titull: “Another One- Nighter”, e pa dritën e gjelbër majin e vitit të kaluar dhe po promovohet nëpër Europë, përfshirë edhe Shqipërinë, e cila shfaqjet e saj muzikore në Tiranë do të jenë në datat 9 dhe 10 shkurt.

Në Tiranë këto evente do të zgjasin 4 javë të cilat çelën sëpari javën e shkuar me këngëtaren e hitit të famshëm Endless summer, Oceana e cila solli një spektakël të vërtetë.

Ndërkohë që jemi në pritje të të tjerë artistëve në 2 javët në vazhdim.

[gallery]25532[/gallery]

Redaksia Online
A.D/shqiptarja.com