Kombëtarja shqiptare e futbollit fitoi 1-3 në transfertë me Ishujt Faroe, për raundin e tretë të grupit E kualifikues të Europianit 2024, që do zhvillohet në Gjermani.

Pas fitores dhe gjashtë pikëve në tre ditë, kuqezinjtë e kanë pasur legjitime festën në dhomat e zhveshjes. Me këngë dhe duke "ngacmuar" njëri-tjetrin, tanëve iu është rikthyer humori i munguar prej kohësh për shkak të rezultateve.

Në fund fjalën e ka marrë edhe trajneri Sylvinho, me brazilianin që ka emocionuar. "Dua t'ju shoh të gjithëve në sy. E merituat, festoni dhe duhet të ktheheni duke endërruar", tha braziliani.

Duket se klima është pozitive në ekip dhe ardhja e trajnerit të ri ka bërë që loja të jetë sulmuese, me Sylvinhon që ka qenë i munguari i madh për stolin kuqezi.