MITROVICE- Gjykata Themelore në Mitrovicë ka tërhequr urdhër-arrestin e lëshuar për arrestimin e ministrit pa portofol të Serbisë Aleksandër Vulin, i cili viziton nesër Kosovën.

Urdhri për arrestimin e ministrit serb ishte dhënë pak ditë më parë, ndërsa pezullimi i tij konfirmohet edhe nga policia e Kosovës.

Ndërkohë lidhur me vizitën e Aleksandër Vulin, në Kosovë ka reaguar me herët edhe kryeministri, Hashim Thaçi, i cili në një intervistë për televizion e Sarajevës ka deklaruar së ministri serb do të arrestohet nëse hyn në territorin Kosovar me veshje paramilitare, siç edhe ka bërë më parë.

Ndërkohë i pyetur rreth faktit së nesë Vulin e keqpërdor këtë vizitë ç’masa do merren, ai u shpreh së “nëse një e gjë tillë ndodh, ai do të përballet me pasojat e veprimeve të tij”.

Redaksia Online
(e.s/shqiptarja.com)