Marisol, vetëm 18-muajshe ndodhej në shtëpinë e pushimit në Pescara del Tronto kur nga lëkundjet e tërmetit gurët që kanë rënë mbi krevatin e saj i morën jetën.
Në arkivolin e saj të bardhë, njëlloj me atë të vogëlushes Giulia, Marisol ndodhej në ceremoninë e organizuar sot, por ajo ndryshe nga 34 viktimat e tjera nuk do të varroset menjëherë. Marisol pret puthjen e fundit të nënës së saj Martina Turco, dhe babait Massimiliano Piermarini.
Martina është ende në spital. Burri, me më pak lëndime, në karrocë invalidësh dhe duke përkëdhelur fotografinë e vogëlushes, ishte i pranishëm në ceremoninë solemne të zhvilluar sot. Ata kanë vendosur që e vogla Marisol të përcillet nga kjo botë nga të dy prindërit.
Redaksia Online
Al.N/Shqiptarja.com