Tabloja piktoreske në kanionin e 'Grykës së Vanave'! Drejtori i Turizmit në Kukës: Pasuri e paeksploruar

Me një gjatësi rreth 3.5 km dhe 300 m thellësi kanioni i “Grykës së Vanave” në afërsi të fshatit Topojan, të Kukësit ofron një tablo magjike në këto ditë të ftohta janari.

Pjesë e degës së lumit Drin i Bardhë, nga “Ura e Topojanit” deri në “Shtrezë”, ky monument natyre ndodhet nën pushtetin e plotë të borës duke ofruar një pamje mahnitëse për syrin e vizitorëve.

Ndodhur në një lartësi mbi 600 m mbi nivelin e detit, për Drejtorin e Turizmit në Bashkinë Kukës, Arben Palushi, ujëvarat e lumit “Topojan”, janë një mundësi e pafund eksplorimi për natyrën shqiptare.

"Lumi i Topojanit është ende e paprekur, një nga pjesët më të bukura që ne kemi, ka disa ujvara njëra pas tjetrës, ka dhe popullatat më të mirë të troftave të malit. Ujvarat janë njëra më e bukura se tjetra, kemi menduar dhe vendosjen e një ure, që të jetë e aksesueshme për turistët", tha Arben Palushi, Drejtori i Turizmit në Bashkinë Kukës.

E krijuar nga gërryerja e shkëmbinjve, Kanioni i Vanave është një grykë e thellë pjesë e parkut Korab-Koritnik, që është përfshirë tek monumentet natyrore të zonave të mbrojtura të turizmit malor në Kukës.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!