Kryesia vendosi të kandidojë për kreun e PS në Tiranë deputetin Sajmir Tahiri dhe deputetin Ilir Zela. Kandidatët që iu paraqitën kryesisë ishin: Sajmir Tahiri, Erjon Braçe, Ilir Zela, Ilir Gjoni dhe Andis Harasani. Data e zgjedhjes së kreut të ri të PS në Tiranë u vendos të jetë 3 marsi.
Në një deklaratë për mediat Sajmir Tahiri u shpreh se i kërkoi kryesisë shtyrjen e datës së zgjedhjeve për ti dhënë mundësi kandidatve të përgatiten më së miri programin e tyre.
“Ky ishte vendimi i kryesisë. Kryesia formalizoi vullnetin e saj. Unë kërkova shtyrjen e ditës së zgjedhjeve për ti lejuar kandidatëve të përgatisin më së miri projektet e tyre” u shpreh Tahiri.
Gjatë fjalës së tij, Kryetari i PS, Edi Rama, nënvizoi rëndësinë për të përmbyllur sa më parë dhe me sukses reformën zgjedhore, duke përmbushur më së pari rekomandimet e OSBBE/ODIHR dhe të gjitha shqetësimet e nxjera në pah gjatë proçesit të fundit zgjedhor.
DEKLARATA E PLOTE E PS
Kryesia e Partisë Socialiste të Shqipërisë u mblodh sot 21 Shkurt 2012 për të diskutuar rreth disa çështjeve të rëndësishme që lidhen kryesisht me ecurinë e reformës zgjedhore, reformës parlamentare, problematikën e zgjedhjeve brenda partisë në disa njësi vendore, riorganizimin e forumit rinor dhe forumit të gruas.
Gjatë fjalës së tij, Kryetari i PS, Edi Rama, nënvizoi rëndësinë për të përmbyllur sa më parë dhe me sukses reformën zgjedhore, duke përmbushur më së pari rekomandimet e OSBBE/ODIHR dhe të gjitha shqetësimet e nxjera në pah gjatë proçesit të fundit zgjedhor.
Sekretari për Çështjet Zgjedhore Damian Gjiknuri, njëherazi dhe bashkë Kryetar I Komisionit për Reformën Zgjedhore, informoi Kryesinë e PS mbi ecurinë e deritanishme të punës së këtij Komisioni, duke shfaqur shqetësimin për ritmin e ngadaltë dhe vonesat në vendimmarrjen e Komisionit për Reformën Zgjedhore, çka rrezikon mos përfundimin në kohë të vetë reformës.
Kryesia e PS gjykon se zvarritja e qëllimshme e reformës zgjedhore, për shkak të mungesës së vullnetit politik nga ana e maxhorancës, rrezikon vetë proçesin e ardhshëm zgjedhor dhe shënon një moment kritik në përmbushjen me sukses të reformës. Në të njëjtën kohë, PS dhe përfaqësuesit e saj në Komisionin e Reformës Zgjedhore, do të vazhdojnë të punojnë me seriozitet dhe përkushtim për të përmushur detyrimet dhe rekomandimet e OSBE-ODIHR.
Nën Kryetari I Parlamentit të Shqipërisë Namik Dokle, shprehu shqetësimin se edhe ecuria e reformës parlamentare nuk po përmbush afatet kohore të vendosura më parë. Rivendosja e votimit të fshehtë është cilësuar si një element tejet I rëndësishëm në funksionimin demokratik të Parlamentit, element I cili fatkeqësisht ende nuk është pranuar nga maxhoranca, pavarësisht se propozimi I Partisë Socialiste përputhet plotësisht me proçedurat e funksionimit të Parlamentit Europian.
Sekretari Organzativ Blendi Klosi, informoi Kryesinë mbi situatën zgjedhore brenda strukturave të Partisë Socialiste duke u përqëndruar në 117 njësitë vendore ku ende nuk janë zhvilluar zgjedhjet e brendshme. Zoti Klosi I propozoi Kryesisë së Partisë Socialiste zhvillimin e zgjedhjeve për kreun e partisë në Tiranë në datën 3 Mars ku do të kandidojë Ilir Zela dhe Sajmir Tahiri, ndërkohë që propozoi mbylljen e të gjithë proçesit zgjedhor në PS brenda datës 15 Mars. Këto propozime u miratuan nga Kryesia e Partisë Socialiste.
Ndërkohë, Kryesia caktoi një grup pune që do të koordinohet nga deputetja Olta Xhacka dhe drejtohet nga anëtarja e Kryesisë Eglantina Gjermenji për të konceptuar një projekt që do I serviret Kryesisë në mbledhjen pasardhëse, mbi organizmin e forumit të gruas.
Kryetari I Partisë Socialiste, propozoi gjithashtu ngritjen e një grupi pune për hartimin e strategjisë së komunikimit me publikun, duke patur parasysh afrimin e fushatës së ardhshme zgjedhore, propozim që gjithashtu u miratua nga Kryesia e PS.
DORËHEQJA E BARAJ
Më 6 shtator të vitit 2011, Besnik Baraj dha dorëheqjen nga posti i kryetarit të Partisë Socialiste për Tiranën, post që ai mbante prej 6 vitesh, ndërkohë që kryesia komandoi në vend të tij deputetin Sajmir Tahiri, i cili do të mbajnë këtë post deri në mbajtjen e zgjedhjeve të reja. Kreu i ri i Partisë Socialiste së Tiranës që do zgjidhet nga procesi i votimit, do drejtojë degën më të madhe të Partisë Socialiste në 4 vitet e ardhshme. ah/shqiptarja.com/
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Hasani pret kreun e OSBE, zv/kryeministrin e Maltës, ministri: Mbështetje për rrugën tonë drejt BE-së! Borg: Inkurajojmë Shqipërinë për integrim, goditje korrupsionit
13 Nëntor, 10:29 -
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45
