Tahiri thumboi ish-kryeministrin Sali Berisha duke theksuar se priste që një gjë të tillë ta bënte ai, pasi Gilman Bakallin e ka pasur deputet të partisë së tij.
"Prita që të jepje një minutë heshtje për ish-deputetin tënd, por s'e bëre. Po e bëj unë. E gjej unë me vend, i nderuar kryetar i parlamentit, të nderuar deputetë, që për ish kolegun tonë, një ish-deputet, një shqiptar i mirë, një shkodran i mirë, i kërkoj Parlamentit të mbajmë një minutë heshtje", u shpreh Tahiri.
Gilman Bakalli, ish-deputet i Partisë Demokratike në Qarkun e Shkodrës, u nda nga jeta pak ditë më parë, pas një sëmundje të rëndë.
Ai u tërhoq nga politika në vitin 2009-ë, kur nuk u përfshi në listat e deputetëve, pas përplasjeve me ish-kryetaren e Kuvendit, njëherazi deputete në Shkodër, Jozefina Topalli.
Redaksia Online
l.q/Shqiptarja.com