Ushtria e Tajvanit më 31 janar nisi stërvitjet dyditore në det dhe ajër për të praktikuar mbrojtjen në rast të një sulmi të befasishëm nga Kina.
Pothuajse çdo ditë, luftanijet kineze lundrojnë në ujërat përreth Tajvanit dhe avionët luftarakë fluturojnë drejt ishullit dhe më pas kthehen mbrapsht.
“Çdo veprim joracional i njëanshëm shumë lehtë do të mund të përshkallëzonte tensionet dhe të sabotonte stabilitetin në rajonin e Ngushticës së Tajvanit”, deklaroi për gazetarët në bazën detare Tsuoying në jug të Tajvanit, Sun Li-fang, zëdhënës i Ministrisë së Mbrojtjes.
Kina pretendon se ishulli vetëqeverisës, me 23 milionë banorë, është pjesë e territorit të saj dhe thotë se ky territor duhet të vihet nën kontrollin e Pekinit.
Tajvani për një kohë të gjatë ka shkaktuar telashe në raportet mes Shteteve të Bashkuara dhe Kinës. Përderisa raportet janë përkeqësuar në vitet e fundit mes dy rivalëve, frika është rritur se Uashingtoni mund të përfshihet në luftë, nëse shpërthejnë armiqësitë.
Ministria e Mbrojtjes së Tajvanit në buletinin ditor tha se shtatë avionë luftarakë dhe katër anije të marinës së Kinës u detektuan përreth ishullit në 24 orët e fundit. Po ashtu raportoi se një balonë kineze është detektuar në veri të ishullit.
Stërvitjet vjetore ushtarake në Tajvan po mbahen më pak se tre javë pasi Lai Ching-te u zgjodh president i ri, duke fituar mandatin e tretë me radhë të Partisë Demokratike Progresive, e cila kundërshtohet nga Kina.
Stërvitjet ushtarake kanë për synim edhe që të rrisin edhe besimin e publikut ndaj aftësive të ishullit për të mbrojtur veten.
Përderisa ushtria e Tajvanit është shumë më e vogël sesa e Kinës, ishulli vetëqeverisës po blen armatime të teknologjisë së lartë nga Shtetet e Bashkuara, po revitalizon industrinë vendore të armëve dhe ka zgjatur shërbimin e detyrueshëm ushtarak nga katër muaj në një vit./REL
Lajme të tjera
-
Cilat vende e kanë ndaluar TikTok-un dhe pse?
20 Nëntor, 22:33 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Forumi i Bashkëpunimit Ekonomik Azi-Paqësor, Biden takohet me presidentin kinez Xi Jinping
17 Nëntor, 16:30 -
Lidhjet e Koresë së Veriut me Rusinë, në qendër të takimit të fundit të presidentit Joe Biden me presidentin Xi Jiping
16 Nëntor, 20:49 -
I riu vret me thikë 8 persona dhe plagos 17 të tjerë pasi nuk mori dot diplomën
16 Nëntor, 20:21 -
Kina zhvillon stërvitje ushtarake afër Filipineve
13 Nëntor, 16:48 -
Rendi i ri botëror, një botë shumë polare
13 Nëntor, 13:00
-
BE-ja nuk do luftë tregtare me Kinën, thotë ambasadori i bllokut në Pekin
9 Nëntor, 15:31 -
Kinë/ Ekspozohet peshku ton 3.2 metra i gjatë me peshë 374 kilogramë (VIDEO)
7 Nëntor, 19:50 -
Sllovakia, e gatshme t’i bashkohet planit të Kinës dhe Brazilit për luftën në Ukrainë
1 Nëntor, 19:49 -
BE vendos tarifa të larta ndaj makinave elektrike kineze
30 Tetor, 16:19 -
Hakerët kinezë vënë në objektiv familjen Trump dhe këshilltarët e Presidentit Biden
29 Tetor, 22:49
