Takimi Kurti-Vuçiç, Haradinaj sulmon BE: Pa përfshirjen e SHBA dialogu Kosovës me Serbinë vdes

Ish-kryeministri i Kosovës, Ramush Haradinaj ka reguar pas takimit të Kurtit me Vuçiç në Bruksel i cili është realizuar me ndërmjetësimin e BE. Nëpërmjet një postimi në 'Facebook' Haradinaj shkruan se ky ishte një tjetër takim koti mes Kosovës e Serbisë duke sulmuar kështu Bashkimin Europian.

Sipas Haradinajt, pa përfshirjen e Shteteve të Bashkuara të Amerikës dialogu mes dy vendeve vdes. Ndër të tjera ish-kryeministri shkruan se nëse SHBA do të përfshirë, dialogu do të ishte në prag të marrëveshjes përfundimtare.

"Edhe një takim koti i dialogut Kosovë-Serbi.  Secila palë ka veç një interes, që me retorika populiste ta mashtrojë popullin e vet në prag të zgjedhjeve!  Kryeministri i Kosovës ka vendosur që të mos bëjë asgjë në këtë proces. Ai nuk po don me e kuptu se pa përfshirjen e SHBA, dialogu është i vdekur. Ai nuk po don me e kuptu se me Borelin e Lajçakun është në qorrsokak.  Sa më larg të shtyhet përfshirja e një emisari amerikan në dialog, dëmi do të jetë më i madh, edhe për Kosovën edhe për Kryeministrin!  Po të ishte Amerika në dialog, tashmë do të ishim në prag të marrëveshjes përfundimtare! A ka njeri që mund t’ia shpjegojë këtë Albin Kurtit", shkruan Haradinaj.

LEXO EDHE:
Ditë historike për Kosovën, Asambleja e Këshillit të Europës voton sot për anëtarësimin

Lajmi kryesor:

'Dialogu' vazhdon pa dialog në Bruksel, Albin Kurti: Serbët refuzuan Deklaratën e Paqes pa e lexuar, kanë bërë gjenocid! Vuçiç: Ai është kthyer në shekullin e XIX

SI.E./Shqiptarja.com

TAG:
• Bruksel
• kosove
• Albin Kurti
• aleksander vucic
• Ramush Haradinaj
• serbi
• kosove-serbi
• dialogu kosove-serbi
• Miroslav Lajcak