Takim me homologun polak, Xhaçka: Integrimi i Ballkanit Perëndimor, çështje me rëndësi strategjike për BE

Ministrja për Evropën dhe Punët e Jashtme, Olta Xhaçka dhe homologu i saj polak , Zbigniew Rau

Ministrja për Evropën dhe Punët e Jashtme, Olta Xhaçka, zhvilloi këtë të premte një takim online me Ministrin për Punët e Jashtme të Republikës së Polonisë, Zbigniew Rau.

Ministrja Xhaçka vlerësoi mbështetjen që Polonia ka treguar në procesin e integrimit të Shqipërisë në Bashkimin Evropian, teksa theksoi se vendi ynë mbetet në pritje të përcaktimit të datës për mbajtjen e Konferencës së Parë Ndërqeveritare brenda gjashtë mujorit të parë të 2021.

Gjithashtu, dy ministrat u dakordësuan në rritjen e angazhimit për të çuar më tej marrëdhëniet dhe bashkëpunimin dypalësh mes Shqipërisë dhe Polonisë dhe vlerësuan se integrimi në Bashkimin Evropian i Ballkanit Perëndimor është çështje me rëndësi strategjike.

Kryediplomatja shqiptare vlerësoi solidaritetin e popullit polak në procesin e rindërtimit pas tërmetit të 26 nëntorit 2019 dhe mbështetjen e treguar gjatë pandemisë COVID–19.

 

J.GJ./Shqiptarja.com
  • Sondazhi i ditës:

    Zgjedhjet e 25 prillit, kush nga liderët po bind më shumë Rama apo Basha?

Komento


×

Lajmi i fundit

John

Rama: Jam i gatshëm që të bashkëpunojë me Bashën pas 24 prillit, me një kusht