POP 5

Lajmet më të lexuara të 5 minutave të fundit

Politikë

Takimi me koordinatorët, Rama
gazetarëve: Ikni bëni ndonjë punë

Kryetari i Partisë Socialiste, Edi Rama ka mbledhur koordinatorët e Partisë Socialiste të qarqeve Lezhë, Dibër e Shkodër ku ka diskutuar me ta zgjedhjet që do të mbahen në strukturat bazë të kësaj force politike. Pas takimit, Rama iu ka thënë gazetarëve se ata vijnë në çdo mbledhje, por duhet të ikin e të mos qëndrojnë në shi, por të bëjnë ndonjë punë.  VIDEO
Takimi me koordinatorët, Rama<br />gazetarëve: Ikni bëni ndonjë punë
Pas një takimi me koordinatorët e PS-së që zgjati rreth 50 minuta Kryeministri, Edi Rama ka zgjedhur të bëjë ironi me gazetarët që prisnin prononcinin e tij.

“Çfarë bëni ju këtu, në çdo mbledhje tonën ju vini e rrini në shi. Ikni e bëni ndonjë punë” kështu u ka thënë ai gazetarëve pasi doli nga takimi me koordinatorët ku mendohet se diskutoi për zgjedhjet.

Në këtë takim, që ka nisur në orën 17:00 dhe ka zgjatur për më shumë se 50 minuta kanë qenë të pranishëm Ministrja e Arsimit Lindita Nikolla, Ministrja e Mbrojtjes Mimi Kodheli, Ministri i Financave Shkëlqim  dhe deputetët Gramoz Ruçi e Shkëlqim Cani.
 
Ky është takimi i dytë që Rama mban me koordinatorët e PS-së, pasi mbrëmë ai mblodhi koordinatorët e disa qarqeve të tjera ku diskutuan për zgjedhjet dhe caktimin e datës së mbledhjes së Asamblesë së Përgjithshme e cila do të caktojë edhe datën se kur do të mblidhet Kongresi i Partisë Socialiste.
 
Pritet që ky Kongres të mbahet në muajin mars, pasi në muajin janar nuk u mblodh dot për shkak të mos përfundimit të zgjedhjeve në organizatat bazë në qarqe.

Redaksia Online
(F.T/shqiptarja.com)

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01