Autoritetet shqiptare vënë në dispozicion të FBI dosjet e korrupsionit, drogës dhe pastrimit të parave në Shqipëri, duke kërkuar në të njëjtën kohë ndihmën e përfaqësuesve të Byrosë Federale të Hetimit, për hetimin e krimit dhe korrupsionit në Shqipëri. Dokumentet informuese për korrupsionin dhe krimin, mes autoriteteve shqiptare dhe FBI, u ndanë gjatë takimit të ministri i Brendshëm i Shqipërisë, Fatmir Xhafaj me Zëvendësdrejtorin i FBI-së David L. Bowdich, në selinë e Byrosë Federale të Hetimit (FBI).
Në takim ishin të pranishëm edhe Drejtori i Përgjithshëm i Policisë së Shtetit Ardi Veliu dhe ekipi i Ministrisë dhe Policisë së Shtetit, që i shoqëron. Takimi vjen pak para nisjes së punës për ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale, të cilët kanë për mision që të godasin krimin dhe korrupsionin në nivele të larta. Gjatë takimit, një sërë dokumentesh analitikë dhe informues mbi luftën kundër krimit të organizuar, drogave përfshi kultivimin dhe trafikimin e kanabisit, korrupsionin, radikalizmin dhe ekstremizmin e dhunshëm janë ndanë me përfaqësuesit e lartë të FBI, për t'i njohur jo vetëm me rezultatet e deritanishme, por dhe nevojat më të rëndësishme për mbështetje dhe asistencë.
Po ashtu, gjatë takimit u diskutua mbi fenomenin e korrupsionit në shoqërinë shqiptare, reagimin e publikut ndaj rasteve të korrupsionit dhe sidomos ndaj korrupsionit në nivele të larta, duke nënvizuar rëndësinë e veçantë të goditjes së fenomenit të pandeshkueshmërisë së korrupsionit në nivelet e larta dhe të mesme.
Kërkesa për agjent fiks në Tiranë
Ministri i Brendshëm u shpreh se parimet, vlerat dhe standardet e FBI-së janë model dhe njëherësh inspirim për oficerët e strukturave të hetimit në Policinë e Shtetit. Përfaqësuesit e FBI-së u njohën me sfidat më të rëndësishme me të cilat po përballet aktualisht Ministria e Brendshme dhe Policia e Shtetit, si lufta kundër krimit të organizuar, trafiqeve të paligjshme, korrupsionit, terrorizmit, por dhe nevojës për forcimin e integritetit, standardeve dhe kulturës së punës së organizatës së Policisë. Në këtë takim, u parashtrua kërkesa e Ministrit të Brendshëm për shqyrtimin e mundësisë për dërgimin në Shqipëri të një agjenti me kohë të plotë nga FBI-ja, për të asistuar strukturat e hetimit në Polici. Përvoja, sidomos në drejtim të hetimit të pastrimit të parave dhe motivimi i oficerëve shqiptarë do të ishin një kontribut i paçmuar. Lidhur me kërkesën e paraqitur nga ministri Xhafaj, zëvendësdrejtori i FBI-së u shpreh se e sheh kërkesën pozitivisht dhe do ta diskutojë për të vlerësuar mundësitë konkrete të realizimit të saj.
Zëvendësdrejtori i FBI-së
Zëvendësdrejtori i FBI-së, Bowdich deklaroi së pari se Shqipëria nuk është si vendet e shumta që ai ka parë gjatë përvojës së konsiderueshme, ku konstatohen probleme të theksuara të krimit të organizuar dhe korrupsionit. Për më tepër, duke vlerësuar reformat e ndërmarra nga Qeveria shqiptare për reformimin e Policisë dhe veçanërisht procesin e Vettingut, Bowdich konstatoi se vlerat dhe standardet, mbi të cilat mbështeten këto reforma reflektojnë ato të ndjekura nga FBI. Ai shpjegoi gjerësisht si realizohet procesi i shqyrtimit të aplikimeve, hetimit të background-it dhe aseteve, testimit dhe deri në fazën e nënshtrimit ndaj poligrafit. Ky proces aplikohet periodikisht, çdo 5 vjet. Duke marrë parasysh kohën, energjitë, burimet njerëzore dhe financiare që kërkon procesi i verifikimit të integritetit të çdo punonjësi, Bowdich vlerësoi nismën e Ministrit të Brendshëm për Vetingun në Polici, si një kontribut të çmuar për përmirësimin e kulturës së organizatës policore në Shqipëri.
SPAK-u
Dy organet e reja të drejtësisë, BKH dhe SPAK, kanë qenë tema kryesore e diskutimit në ditën e tretë të vizitës së ministrit të Brendshëm, Fatmir Xhafaj, në SHBA. Ministri ka deklaruar se Shqipëria do të nisë punën për ngritjen e BKH dhe SPAK, dy 'duart e hekurta' të luftës kundër krimit të organizuar dhe korrupsionit. “Procesi i Vettingut po jep rezultatet e para domethënëse. Tashmë është momenti të fokusohemi te procesi për ngritjen e institucioneve të reja të sistemit, veçanërisht ato të drejtësisë penale, të dedikuara në luftën kundër krimit të organizuar dhe korrupsionit (BKH e SPAK)”, tha Xhafaj.
Takimi me zëvendës ndihmës Prokurorin e Përgjithshëm
Një tjetër takim në Uashington, ministri i Brendshëm, Fatmir Xhafaj, e zhvilloi në Departamentin e Drejtësisë me Bruce Swartz, zëvendës ndihmës Prokurorin e Përgjithshëm, i shoqëruar nga disa prej drejtorëve dhe drejtuesve të projekteve ndërkombëtare. Në krye të herës, z. Swartz shprehu falënderim për bashkëpunimin e shkëlqyer me Qeverinë shqiptare, duke e bërë Shqipërinë vendin model në rajon sa i takon bashkëpunimit për çështjet penale. Ai pohoi se SHBA do ta prezantojë këtë progres. Ministri Xhafaj solli një retrospektivë të punës së bërë lidhur me reformën në drejtësi. “Kjo reformë do të ketë një impakt të madh edhe mbi pushtetet e tjera, të cilat po ashtu kanë po aq probleme sa drejtësia. Ajo do të pastrojë jo vetëm sistemin, por do t’i japë atij instrumentet e duhura për të vepruar në mënyrë proaktive”, pohoi ai.
Komente
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
Ndihemi edhe ne qytetaret e thjesht mire kur shkon nje minister edhe pritet ne vizit zyrtare.
PërgjigjuVallaj vetem kte mund te presi amerika se vetem ky punon sic duhet.
PërgjigjuKy eshte nga te vetmit qe ben pune aty ne qeveri.
PërgjigjuI kane pare reformat qe jane bere ne MB dhe i japin besim dhe mbeshtetje policise dhe MB
PërgjigjuTe te presi ne vizit zyrtare amerika qe eshte vendi me i organizuar dhe me i fuqishem ne bote do te thot qe vallaj kane besim tek ty.
PërgjigjuXhafa po Luan teater me zoterinjte e FBI Xhafa ka ne liste vetem opozitare jo partjake socialiste si TAHIRI
PërgjigjuTe kapin na njerin se pastaj I nxjerin te palarat per njeri tjetrin vet keta