Takimi me Belerin në paraburgimin e Durrësit, ministri grek: Të gjendet zgjidhje në kuadrin e së drejtës europiane dhe ëndrrës europiane

Ministri grek i Shtetit Stavros Papastavrou, ka folur për media para takimit me Fredi Belerin në paraburgimin e Durrësit. Ai përsëriti se gjyqësori duhet të bëjë drejtësi pasi e quan të padrejtë arrestimin e Belerit. Para medieve ministri grek tha se Himara sipas tij është e vetmja “bashki në Europë ku kryetari i humbur vazhdon të drejtojë bashkinë dhe kryetarit të zgjedhur po i mohohet e drejta për t'u zgjedhur”.

"Erdha e vizitova kryebashkiakun e Himarës që mbahet në burg këtu e 7 muaj. Fatkeqësisht në Himarë, vendimi i sovranit për votën nuk po zbatohet akoma. Himara është e vetmja bashki në Europë ku kryetari i humbur vazhdon të drejtojë bashkinë dhe kryetarit të zgjedhur po i mohohet e drejta për t'u zgjedhur", u shpreh ministri grek.

LEXO EDHE:
Zhduket 14-vjeçarja në Durrës, babai i të miturës denoncon në polici! Gjendet tek shtëpia e shoqes së saj

'Ne i gjendemi pranë Fredi Belerit për një gjyq të drejtë dhe duam që prezumimi i pafajësisë së tij të respektohet nga drejtësia shqiptare. Duhet gjetur një zgjidhje në kuadrin e së drejtës europiane dhe shtetit të së drejtës dhe ëndrrës europiane që të kthehet normaliteti në bashkinë e Himarës."- vijoi më tej ministri Papastavrou.

Lajmi kryesor:

Pas 'kërcënimeve' për veton, ministri grek Papastavrou takon Fredi Belerin në qelinë e Durrësit, 'presion' drejtësisë: Duhet gjetur një zgjidhje

B.K/Shqiptarja.com

TAG:
• Stavros Papastavrou
• arrestohet Fredi Beleri
• fredi beleri
• Durres