Ministri i Tregtisë dhe Indrustrisë në Qeverinë e Kosovës, Endrit Shala deklaroi se vendosja e taksës doganore prej 10 për qind për mallrat importuese nga Serbia dhe Bosnjë e Hercegovina, ka qenë masë e domosdoshme.
Ndonëse nuk ka një afat të caktuar se sa do të zgjasë, Shala u shpreh për Radion Evropa e Lirë se kjo masë ka qenë tejet e nevojshme pasi Serbia po i shkel në vazhdimësi marrëveshjet rajonale.
Sipas “Telegraf”, Shala tha se shumica e artikujve të importuar nga Seria dhe Bosnja kanë ardhur në Kosovë me çmim më të lirë se në tregun e tyre.
“Siç e parasheh marrëveshja për tregti të lirë, CEFTA, Ministria e Tregtisë dhe Industrisë ka tentuar në shumë raste që të kontaktojë për këtë çështje me dikasteret përkatëse në Serbi dhe Bosnjë e Hercegovinë. Dhe, asnjëherë nuk kemi marrë përgjigje për to. Me qëllim të mbrojtjes së ekonomisë vendore, prodhimeve vendore, ka qenë e domosdoshme marrja e një mase të tillë”, citon “Telegraf” Shalën, i cili sipas saj thekson më tutje se shteti i Serbisë nuk i lejon transportuesit e Kosovës as që të kalojnë transit nëpër Serbi.
Nga ana tjetër, zëdhënësi i Doganës së Kosovës, Adriatik Stavileci tha për Radion Evropa e Lirë se deri më tani nuk është vërejtur ndonjë ndryshim në importin e produkteve të këtyre shteteve në territorin e Kosovës. “Nuk kemi vërejtur ndonjë ulje ose çështje tjetër në aspekt të rënies, ose ngritjes së importit. Sidoqoftë, është shumë herët, nevojiten deri në 10 ditë që të shihen efektet e masës.”
Qeveria e Kosovës e vendosi në funksion masën e sipërpërmendur të martën. Ajo është mirëpritur nga përfaqësuesit e komuniteteve të bizneseve, ndërkohë që, reagime të ashpra kundër kësaj mase ka patur në Beograd dhe në Bosnjë e Hercegovinë. Bashkimi Evropian nuk qëndroi indiferent në këtë aspekt, duke u shprehur e shqetësuar se po shkelet CEFTA (Marrëveshje e krijuar nga BE, me qëllimin për të lehtësuar këmbimet tregtare të vendeve të Ballkanit Perëndimor).
Lajme të tjera
-
Osmani: Pesë policë të Kosovës po mbahen peng nga Serbia
18 Prill, 10:54 -
Kosova akuzon Serbinë se ka ndaluar 10 nga pjesëtarët e policisë së saj
18 Prill, 07:15 -
SHBA trajnon policitë kufitare të Shqipërisë dhe Kosovës
17 Prill, 18:49 -
KiE vendime historike për Shqipërinë dhe Kosovën, Gjonaj: Reforma në drejtësi ka vlerësim maksimal! SPAK sulmohet pasi është në rrugën e duhur
17 Prill, 18:22 -
Oda Amerikane: Bllokimi i qytetarëve të Kosovës nga Serbia pengon stabilitetin rajonal
17 Prill, 18:06 -
Një ditë më parë djali vrau nusen, ndërron jetë nëna e autorit në Pejë
17 Prill, 14:51 -
Vendimi për anëtarësimin e Kosovës në KiE, eksperti: Do sjellë konfrontim, Serbia do tentojë destabilitet! Ka 1500 dronë ‘Shahed’ të blerë nga Irani
17 Prill, 14:40 -
I ati i vrau nënën, vajza e Gjyljeta Ukella prin protestën me qindra qytetarë në Kosovë
17 Prill, 14:24 -
Shpërndanin foto dhe video intime në Telegram, arrestohet njëri nga administratorët e grupit ‘Albkings’
17 Prill, 13:49 -
Vrasja e dy grave, sot ditë zie në Kosovë! Flamujt ulen në gjysmështizë
17 Prill, 10:05 -
Serbia bllokoi për disa orë 300 qytetarë të Kosovës në kufi me Kroacinë dhe Hungarinë! Kurti: Po hakmerret për Këshillin e Evropës
17 Prill, 09:37 -
Kosovë/ Shpallet në kërkim xhudisti Akil Gjakova, dyshohet për dhunë në familje
17 Prill, 09:20
