Talebanët ndaluan gratë të arsimohen dhe të punojnë në OJQ, kreu i OKB-së takon ministrin e Arsimit

Kreu i OKB-së,Ramiz Alakbarov pati një takim me liderin e talebanëve ditën e sotme në lidhje me ligjet e reja që ata kanë vendosur, që ndalojnë gratë të ndjekin arsimin e lartë.

Pasi gratë afganë u ndaluan të studiojnë dhe të punojnë në organizatat joqeveritare, kreu i OKB-së për cështjet e të Drejtave të Njeriut ka takuar liderin e talebanëve ditën e sotme për t’i bindur ata që të tërhiqen nga ky vendim. Ramiz Alakbarov takoi ministrin e ekonomisë së Talibanëve, Din Mohammad Hanif, në Kabul, duke i thënë atij se miliona afganë kanë nevojë për “ndihmë humanitare dhe heqja e barrierave është jetike”.

Nida Mohammad Nadim, ministri i arsimit të lartë taleban, iu përgjigj kritikave ndërkombëtare, duke thënë se qeveria e tij nuk do të ndryshojë vendimin, i cili ndalon arsimin e vajzave. Madje, kanë reaguar në mënyrë ekstreme duke thënë se nuk do ndryshoj asgjë “edhe nëse ato hedhin një bombë atomike” duke shtuar “ne jemi gati për sanksione nga komunitetit ndërkombëtar”.

Ndërkaq, Ministria e Punëve të Jashtme të Katarit përmes një komunikate njoftoi se qasja në punë është parim i të drejtave të njeriut që pranohet nga të gjitha vendet e botës.

Deri më tani shtatë organizata joqeveritare kanë pezulluar punët e tyre në Afganistan, duke e çuar ekonominë e vendit në prag të kolapsit.

 Agjencitë e ndihmës shpresojnë se duke vepruar në mënyrë të bashkuar ata mund të bindin talebanët se kanë kaluar kufirin e normales.

F.D/Shqiptarja.com

TAG:
• Afganistan
• OKB
• Ramiz Alakbarov