Adrian Bajrami cilësohet si një nga lojtarët me të ardhme premtuese në Portugali. I lindur në Zvicër dhe lojtar i Benfikës, Bajrami u betua së bashku me 10 shtetas të tjerë, para kryetarit të Bashkisë së Tiranës, Erion Veliaj, për besnikëri ndaj shtetit shqiptar, duke zgjedhur para kombëtares helvete, përfaqësimin e ngjyrave kuqezi.
Në ceremoninë e betimit për marrjen e nënshtetësisë shqiptare, kryebashkiaku Veliaj tha se ky akt shënon një lloj dakordësie për të punuar si një skuadër për emancipim dhe zhvillim.
“Ky akt nuk është vetëm nënshkrimi i një shtetësie, është edhe dakordësia jonë e përbashkët, se do jemi pjesë e një misioni, do jemi pjesë e një skuadre, e një beteje për emancipim, progres dhe për zhvillimin e vendit dhe të kombit tonë. Sot fillon një rrugë e re, një rrugë ku do të jemi të gjithë bashkë, me miliona të tjerë, për ta bërë këtë vend më të bukur, për ta bërë këtë komb më të ndritur, edhe për ta lartësuar të gjithë atë që është qenia shqiptare”, deklaroi Veliaj.
Teksa nënvizoi se destini i qytetit është zhvillimi dhe rritja e tij, Veliaj u shpreh se Tirana u ofron të gjithëve shansin për të ndërtuar të ardhmen e tyre.
“Unë e di që kush vjen në Tiranë e kush e merr pasaportën e Shqipërisë, apo kush transferohet nga një qytet tjetër i Shqipërisë, mbasi kalon vetë këtë provë, fillon dhe thotë: ‘Kryetar, shumë pallate bëhen në Tiranë, shumë po urbanizohet Tirana’. Mos e harroni këtë ditë! Kur ju ishit të fundit që erdhët, nëse Tirana pati vend për ju, do të duhet të ketë vend edhe për ata që do të betohen të hënën tjetër, edhe pas disa të hënave, edhe vitin tjetër, edhe pas 5 vitesh, kur unë të mos jem më i kryetar i Bashkisë. Pra, do të duhet të pranojmë që, nëse duam të jetojmë në një vend të madh, kjo mundësi do u ofrohet të gjithëve”, tha ai.
Kreu i Bashkisë deklaroi se pavarësisht një minorance të zhurmshme dhe penguese, shumica e qytetarëve janë të hapur.
“Sigurisht, si çdo qytet i madh, edhe vendet prej nga ju vini, edhe ne kemi një kor të vogël, por të zhurmshëm, të atyre që janë cinikë, që janë skeptikë, dyshues, që janë pengues, ama janë minorancë dhe gjithmonë është e rëndësishme të mos i bashkohesh atij kori. E nëse kjo zemër e madhe është hapur për të gjithë do të duhet të hapet edhe për të tjerë që do vijnë pas jush”, theksoi Veliaj.
Kryetari i Bashkisë u shpreh se vlerësimet ndërkombëtare për organizimin e Conference League, ishin tregues i qartë se kur shqiptarët bëhen bashkë, mund të bëjnë gjëra të mëdha.
“Kemi treguar se jemi një komb europian, jemi njerëz të disiplinuar dhe dimë të organizojmë shtet dhe qytet. Ne kemi një rend publik, ku sigurisht dimë të gëzojmë dhe të festojmë, por jo duke e tepruar dhe duke shkatërruar qytetet dhe jo të futemi si vandalë në stadiume. Fakti që morëm vlerësim si Tiranë, që kemi organizuar më mirë se Sevilja dhe Parisi, do të thotë se ne shqiptarët e paskemi në dorë vetë. Arritëm të tregojmë që, kur ne shqiptarët duam, kur ne shqiptarët dimë, ne shqiptarët mundemi”, u shpreh Veliaj.
Pas leximit të formulës së betimit nga Kryetari i Bashkisë, shtetasit nga Zvicra, Kosova, Turqia dhe Egjipti nënshkruan edhe aktin e betimit.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Tiranë/ Rikualifikohet zona e Thesarit, Veliaj inspekton punimet: Do ndërtojmë rrjet unazor, kemi përfunduar urbanizimin në 75 lagje!
18 Nëntor, 14:59 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
PD: Ministri i Drejtësisë të japë dorëjeqjen! Hetim pasuror Ulsi Manjës, aplikoi për ndërtimin e një kompleksi vilash në Farkë
16 Nëntor, 13:20 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Tiranë/ Analiza falas në ditën Botërore të Diabetit, nënkryetari i bashkisë Andi Seferi apel qytetarëve: Kontrollohuni dhe jetoni shëndetshëm
14 Nëntor, 14:54 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
Dita 2 e përgatitjeve, Muja mbërrin në Kombëtare! Pritet Mersinaj dhe Bajrami, Daku punon vetëm në palestër
12 Nëntor, 16:13
-
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00
