Receta

Tartë me krem dhe kumbulla nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 26 Shtator 2022, 14:19 | Përditesimi: 26 Shtator 2022, 14:20

Tartë me krem dhe kumbulla

Përbërësit:

Për brumin:

LEXO EDHE:
Pulë me oriz në furrë nga zonja Albana

400 gr miell
200 gr gjalpë
150 gr sheqer
1 bustinë pluhur pjekës
1 vezë

Për kremin:

600 ml qumësht
100 gr sheqer
60 gr niseshte
200 ml ajkë kosi
1 bustinë vanilje
300 gr kumbulla
Sheqer pluhur

Përgatitja:

Fillimisht përgatisim kremin duke ngrohur në një tenxhere qumështin së bashku me sheqerin dhe niseshten e holluar. E përziejmë me tel rrahës në një nxehtësi mesatare derisa të mpikset dhe më pas shtojmë ajkën e kosit dhe vaniljen.

Ndërkohë që kremi ftohet përgatisim brumin. Vendosim në një tas miellin e trazuar me pak kripë dhe pluhur pjekës, shtojmë gjalpin e temperaturës së ambjentit, sheqerin dhe vezën. E punojmë mirë brumin me duar derisa të lidhet dhe më pas e shtrojmë në një tavë për tarta. E hapim mirë si një bazë mbi të cilën hedhim kremin e përgatitur. Vendosim kumbullat të prera në feta dhe në fund thërrmojmë mbi shtresën e frutave pak nga brumi i përgatitur i tartës. E vendosim ëmbëlsirën në furrë të parangrohur në temperaturën 180 gradë për 60 minuta.