Tartë me krem dhe kumbulla nga zonja Albana

Tartë me krem dhe kumbulla

Përbërësit:

Për brumin:

• 400 gr miell
• 200 gr gjalpë
• 150 gr sheqer
• 1 bustinë pluhur pjekës
• 1 vezë

Për kremin:

• 600 ml qumësht
• 100 gr sheqer
• 60 gr niseshte
• 200 ml ajkë kosi
• 1 bustinë vanilje
• 300 gr kumbulla
• Sheqer pluhur

Përgatitja:

Fillimisht përgatisim kremin duke ngrohur në një tenxhere qumështin së bashku me sheqerin dhe niseshten e holluar. E përziejmë me tel rrahës në një nxehtësi mesatare derisa të mpikset dhe më pas shtojmë ajkën e kosit dhe vaniljen.

Ndërkohë që kremi ftohet përgatisim brumin. Vendosim në një tas miellin e trazuar me pak kripë dhe pluhur pjekës, shtojmë gjalpin e temperaturës së ambjentit, sheqerin dhe vezën. E punojmë mirë brumin me duar derisa të lidhet dhe më pas e shtrojmë në një tavë për tarta. E hapim mirë si një bazë mbi të cilën hedhim kremin e përgatitur. Vendosim kumbullat të prera në feta dhe në fund thërrmojmë mbi shtresën e frutave pak nga brumi i përgatitur i tartës. E vendosim ëmbëlsirën në furrë të parangrohur në temperaturën 180 gradë për 60 minuta.

 

MC/Shqiptarja.com

TAG:
• zonjaalbana
• recete
• tarte me kumbulla