Tashmë presidenti i ri në detyrë i Kosovës, Konjufca-Osmanit: Keni kryer me përgjegjësi të lartë detyrën, së shpejti sërish në këtë post

Glauk Konjufca pasi është zgjedhur kryetar i Parlamentit të Kosovës, përkohësisht do të jetë edhe president në detyrë deri në zgjedhjen e të riut.

Ish-presidentja, Vjosa Osmani i delegoi kompetencat, Konjufcas duke thënë se është një deputet shembullor.

Sipas mediave kosovare, Konjofuca ka falënderuar Osmanin për kontributin dhe ka thënë se është i bindur se shumë shpejt ajo do të zgjidhet presidente e Kosovës.

“Faleminderit z. Osmani. Për nga mosha parlamentare e angazhimi jemi pak a shumë të njëjtë. Ajo e ka kryer me përgjegjësi të lartë detyrën e u.d. presidentes së Kosovës. Keni dhënë shembull të shkëlqyeshëm në politikë, e kudo. Kështu që më vjen mirë që përmes zgjedhjes së kryetarit e kryesisë së Kuvendit u hap rruga për institucionet e Kosovës të shkojnë hapave të tjerë. Për zgjedhjet e Qeverisë së Kosovës, por shumë së shpejti edhe për ju si presidente e ardhshme e Kosovës”, tha Konjfuca.

“I uroj shumë suksese Glauk Konjufcës…Të gjitha dosjet që i kemi, nga fushat që i kemi mbuluar do t’i transferojmë gjatë ditës së sotme”, tha Osmani.

 

 

Lajmi kryesor:

Votohet qeveria e re e Kosovës, zbardhen emrat e ministrave! Kurti: Do vaksinojmë kundër COVID 60% të popullsisë brenda 1 viti! Do jem kryeministër me parime

J.GJ./Shqiptarja.com

TAG:
• kosove
• Vjosa Osmani
• Glauk Konjufca