Receta

Tava e Dukagjinit me domate jeshile nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 21 Tetor 2022, 10:55 | Përditesimi: 21 Tetor 2022, 15:19

Tava e dukagjinit me domate jeshile

Përbërësit:

1 kg domate jeshile
2 qepë
2 speca jeshile
400 gr ajkë kosi
100 ml pana
Vaj ulliri
Kripë, piper

Përgatitja:

LEXO EDHE:
Pulë me oriz në furrë nga zonja Albana

Presim domatet jeshile në kubikë mesatare dhe i vendosim të zbuten në ujë të nxehtë. Në një tenxhere me pak vaj ulliri kaurdisim qepët të prera në kubikë, më pas shtojmë specat dhe vazhdojmë kaurdisjen për 6 minuta. E largojmë tenxheren nga zjarri, shtojmë domatet jeshile, 1 lugë kripë, piper të zi dhe piper të kuq pluhur. I trazojmë që shijet të unifikohen dhe në fund shtojmë ajkën e kosit dhe panën. E kalojmë gatimin në një tavë dheu dhe e vendosim në furrë në temperaturën 250 gradë Celsius derisa sipërfaqja të marrë ngjyrë.