Receta

Tava e fukarasë / Recetë me pak kosto, super shije me presh dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 16 Mars 2023, 12:14 | Përditesimi: 16 Mars 2023, 12:16

Tavë me presh dhe oriz

Përbërësit:

5 presh
2 qepë
2 speca të kuq
2 speca jeshil
1 lgj salcë domate
1 fç oriz
4 lgj vaj ulliri
4 fç ujë
Bimë aromatike
Kripë, piper

Përgatitja:

LEXO EDHE:
Pulë me oriz në furrë nga zonja Albana

Grijmë qepën hollë dhe e kaurdisim me pak kripë derisa të zbutet. Më pas shtojmë specat e prerë në kubikë dhe salcën e domates. Preshët i presim tërthorazi (pa pjesën e bishtit). Kaurdisim preshin në një tenxhere tjetër pa i vendosur pirunin shpesh. Shtojmë tek preshi pak piper të zi dhe rigon.

Preshin e kaurdisur e vendosim në një tavë. Shtojmë qepën e kaurdisur me specat dhe në fund orizin dhe ujin e ngrohtë. E vendosim tavën të piqet në furrë në temperaturën 200 gradë Celsius.

MC/Shqiptarja.com

TAG: