Receta

Tava tironse me mish dhe gjizë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 13 Janar 2023, 12:03 | Përditesimi: 13 Janar 2023, 12:04

Tava tironse e dheut me mish dhe gjizë

Përbërësit:

300 gr mish viçi
200 gr gjizë
1 qepë
2 thelpinj hudhër
50 gr miell misri
1 lgj vaj ulliri
2 lgj gjalpë
1 lgj miell gruri
1 litër lëng mishi
Salcë domate
Spec djegës
Majdanoz
Kripë, piper

Përgatitja:

LEXO EDHE:
Pulë me oriz në furrë nga zonja Albana

Fillimisht vendosim mishin të ziejë. Më pas kaurdisim qepën e grirë hollë duke shtuar pak nga lëngu i zierjes së mishit dhe e lemë qepën derisa të zbutet mirë. Pasi qepa është zbutur shtojmë majdanozin, salcën dhe pjesën tjetër të lëngut të mishit pasi e kemi kulluar mirë.

Në një tenxhere kaurdisim miellin e misrit me gjalpë, e trazojmë mirë dhe sapo mielli të ndryshojë ngjyrë shtojmë gjizën duke i shtuar lëng. Kur të shohim që është bërë, e përziejmë dhe e lemë të ziejë mirë. Në fund shtojmë pak miell gruri sikurse dhe mishin e prerë në copëza. I bashkojmë të gjithë përbërësit në një tavë dheu të nxehur paraprakisht në furrë dhe të lyer mirë me gjalpë. Ë spërkasim fërgesën me piper të kuq dhe e vendosim tavën në furrë të nxehtë dhe e lëmë derisa yndyra të dalë në sipërfaqe.

MC/Shqiptarja.com

TAG: