Receta

Tavë dheu me perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 6 Janar 2023, 11:47 | Përditesimi: 6 Janar 2023, 11:48

Tavë dheu me perime

Përbërësit:

2 gjokse pule
2 karrota
2 speca të kuq
200 gr spinaq
1 kokërr qepë
1-2 kërpudha
Djathë të butë pice
Kripë, piper
Për beshamelin:
2 lgj gjalpë
3 lgj niseshte
700 ml qumësht
1 kokërr vezë
Kripë, arrë moskat

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Presim në kubikë të vegjël gjokset e pulës, karrotat, specat dhe qepën. Kaurdisim fillimisht gjokset e pulës dhe më pas shtojmë perimet. I spërkasim me pak kripë dhe pas 4-5 minutave shtojmë kërpudhat e prera hollë. Shtojmë pak ujë të ngrohtë dhe i lemë perimet të marrin një valë. Në fund shtojmë spinaqin dhe rregullojmë përsëri shijen me kripë dhe piper.

Ndërkohë përgatisim dhe beshamelin me gjalpë, niseshte dhe qumësht. Pasi beshameli është trashur shtojmë vezën, kripën dhe arrën moskat.

Në një tavë balte vendosim perimet e kaurdisura me mishin e pulës dhe në fund kremin e beshamelit. Bëjmë një spërkatje të lehtë të sipërfaqes me djathë të grirë dhe e vendosim tavën në furrë të parangrohur në temperaturën 180 gradë Celsius për 20 minuta.