Receta

Tavë kosi nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 27 Shtator 2021, 10:59 | Përditesimi: 27 Shtator 2021, 11:00

TAVË KOSI

Përbërësit:

- 500 gr mish qingji

LEXO EDHE:
Piroshki me mish, receta ruse e piteve të mbushura nga zonja Albana

650 gr kos

3 vezë

50 gr miell

25 gr oriz

100 gr gjalpë

kripë

piper

Përgatitja:

Fillimisht ndajmë mishin në racione dhe e vendosim të ziejë (zakonisht përdorim mish me kocka). Gjatë zierjes së mishit largojmë herë pas here shkumën e krijuar. E provojmë mishin me pirun dhe nëse shpohet e largojmë nga vatra e sobës. Në lëngun e zjerë hedhim orizin dhe e lemë për pak minuta.

Ndërkohë përziejmë miellin me kosin, vezën, kripën dhe piperin. Këtë masë e shtojmë tek lëngu i mishit ku vendosëm dhe orizin. E përziejmë mirë dhe të gjithë masën e kalojmë në një tavë. Shtojmë racionet e mishit dhe gjalpin të prerë në copëza. E vendosim tavën në furrë dhe e lemë derisa të marrë ngjyrë në sipërfaqe.

MC/Shqiptarja.com

TAG: