Tavë kosi
Përbërësit:
- 800 gr mish qingji
- 50 gr gjalpë
- 4 kokrra vezë
- 3 lgj miell
- 1 lgj oriz
- 1 litër kos
- Kripë, piper
Përgatitja:
![](https://shqiptarja.com/template/img/NO_ALFA_Kuadrate shqiptarja.png)
Mishin e qingjit e kaurdisim për pak minuta në tenxhere dhe më pas shtojmë ujë, pak kripë dhe e lëmë që të ziejë. Në një tenxhere kaurdisim me gjalpë ose vaj ulliri pak miell derisa të zverdhet. E shuajmë me lëngun e mishit duke e trazuar që të mos kokrrizohet. Në një tas rrahim me tel vezët, shtojmë kosin, orizin, kripë dhe piper. E shtojmë këtë masë në tenxheren ku kaurdisëm miellin, e trazojmë mirë dhe në fund e kalojmë gatimin në një tavë. Vendosim racionet e mishit dhe e vendosim tavën e kosit në furrë të parangrohur në temperaturën 220 gradë Celisus për 30 minuta.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)