Receta

Tavë me kunguj dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 12 Tetor 2022, 11:21 | Përditesimi: 12 Tetor 2022, 11:22

Tavë me kunguj dhe oriz

Përbërësit:

1 kg kunguj
1 qepë të thatë
3 qepë të njoma
1 fç oriz
3 fç qumësht
3 vezë
2 lgj vaj ulliri
2 lgj gjalpë
Kopër, majdanoz
Kripë, piper
Djathë të grirë

Përgatitja:

LEXO EDHE:
Burani verore me speca e domate nga zonja Albana

Në një tigan me gjalpë dhe vaj ulliri kaurdisim qepën e thatë dhe pas 5 minutave shtojmë qepët e njoma të grira hollë. Vazhdojmë kaurdisjen për rreth 8 minuta derisa qepët të ulin volumin, shtojmë më pas erëzat, bimët aromatike dhe kungujt të prerë në feta. Orizin pasi e kemi shpëlarë e shtojmë në tigan. Bëjmë një kaurdisje të lehtë të të gjithë përbërësve së bashku dhe më pas të gjithë masën nga tigani e kalojmë në një tavë.

Rrahim 3 kokrra vezë dhe shtojmë 3 filxhanë qumësht ose 2 filxhanë qumësht dhe 1 ujë. Rregullojmë shijen me kripë, piper dhe arrë moskat dhe e shtojmë kremin në tavë. E nivelojmë mirë, e spërkasim me pak djathë kaçkavall të grirë dhe e vendosim tavën në furrë në temperaturën 180 gradë për 30-35 minuta.

MC/Shqiptarja.com

TAG: