Receta

Tavë me pulë dhe perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 26 Janar 2023, 14:34

TAVË ME PULË DHE PERIME

Përbërësit:

2 gjokse pule
1 qepë
300 gr patate
300 gr presh
3 karrota
100 ml verë të bardhë
5-6 domate qershi
1 tufë majdanoz
2 lgj vaj ulliri
1 lgj gjalpë
Kripë, piper, trumzë

Përgatitja:

LEXO EDHE:
Pulë me oriz në furrë nga zonja Albana

Në një tenxhere ngrohim vajin dhe gjalpin dhe kaurdisim gjokset e pulës të cilat i kemi marinuar me kripë dhe erëza. Pasi mishi i pulës ka ndryshuar ngjyrë e shuajmë me pak verë dhe pasi të avullojë alkooli largojmë mishin e pulës. Ne po atë yndyrë vendosim perimet e marinuara me erëza dhe lëng limoni dhe i kaurdisim për pak minuta. Perimet dhe mishin e pulës të kaurdisur i kalojmë në një tavë, vendosim dhe disa domate qershi. E mbulojmë tavën me një letër pjekje dhe letër alumini dhe e vendosim në furrë të parangrohur në temperaturën 200 gradë për 40 minuta.