Tavë me qofte lakre dhe perime

Përbërësit:

Për qoftet:

  • 500 gr mish i grirë
  • 1 pjesë lakër e bardhë
  • 2 kokrra vezë
  • 4 lugë bukë e grirë
  • Piper i kuq, rigon, piper i zi, kripë

Për garniturën:

  • 1 qepë
  • 2 karota
  • 1 patate
  • 1 fç bizele
  • 1 spec jeshil
  • 1 lugë salcë
  • 1 thelpi hudhër
  • Pak kripë
  • Pak ujë

Përgatitja:

Grijmë lakrën imët ose në mikser dhe e bashkojmë me mishin e grirë, vezët, bukën e bluajtur dhe erëzat. Bëjmë qoftet me dorë dhe i lëmë pak të qëndrojnë që të lidhen mirë. Ndërkohë presim të gjitha perimet në kubikë të vegjël dhe i kaurdisim me pak vaj. Shtojmë 1 lugë salcë domateje, kripë dhe pak ujë dhe i lëmë perimet të gatuhen për rreth 20 minuta. Rreshtojmë qoftet në tavë, shtojmë sipër perimet e gatuara me salcë, dhe hedhim në fund pak ujë të trazuar me gjysëm luge salcë domate dhe një thelpi hudhër të shtypur. E vendosim tavën në furrë në 200°C për 30–40 minuta. Nëse dëshirojmë mund të hedhim dhe pak djathë kaçkavall të grirë sipër.