Receta

Tavë me sardele nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 7 Nëntor 2022, 10:12 | Përditesimi: 7 Nëntor 2022, 10:13

Tavë me sardele

Përbërësit:

1 kg sardele
2 qepë të thata
3 thelpinj hudhër
1 domate mesatare
1 lgj galetë
2 qepë të njoma
1 tufë majdanoz
1 limon në feta
1 limon (lëngu)
2-3 gjethe dafine
1 spec i kuq
1 gotë verë e bardhë
Spec djegës ose fara speci
Kripë, piper, rigon

Përgatitja:

LEXO EDHE:
Pulë me oriz në furrë nga zonja Albana

Fillimisht pastrojmë sardelet duke i filetuar në formë fluture. I marinojmë me vaj ulliri, kripë dhe piper. Grijmë imët qepët dhe hudhrat. Domateve u largojmë lëkurën dhe i presim në kubikë të vegjël.

Lyejmë një tavë me vaj ulliri, vendosim qepën e grirë, domatet në kubikë. Bëjmë një spërkatje me vaj ulliri, kripë, piper dhe vendosim sardelet e filetuara. Në mes vendosim hudhra, bishta qepësh, spec të kuq, gjethe dafine. Tek vera e bardhë shtojmë lëngun e një limoni dhe e hedhim sipër sardeleve duke i spërkatur dhe me pak fara speci djegës. Vendosim në fund fetat e limonit dhe e vendosim tavën në furrë të parangrohur në temperaturën 180 gradë Celsius për 30-40 minuta.

MC/Shqiptarja.com

TAG: