Receta

Tavë në furrë me pulë, patate dhe perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 08 : 45 – 10 : 00

Redaksia 10 Mars 2022, 12:19 | Përditesimi: 10 Mars 2022, 12:21

Tavë në furrë me pulë, patate dhe perime nga zonja Albana
Përbërësit:

1 pulë
1 lgj salcë kosi
1 lgj mustardë
1 lgj keçap
2 lgj vaj ulliri
1 lç kripë
1 lç piper i zi
1 lç piper i kuq
1 patëllxhan
3 patate mesatare
1 degëz domate qershi
1 qepë e kuqe
2-3 thelpinj hudhër
1 spec jeshil
1 spec i kuq
Miks erëzash
Vaj ulliri
Kripë, piper
Përgatitja:

Fillimisht lajmë dhe thajmë pulën mirë. Më pas presim ekstremitetet e pulës dhe e e ndajmë në mes nga gjoksi duke e hapur mirë. Në një tas vendosim salcën e kosit, mustardën, keçapin, vajin e ullirit, kripën, piperin e zi dhe piperin e kuq. E trazojmë mirë derisa të bëhet një salcë homogjene dhe marinojmë mirë pulën duke e lyer dhe masazhuar me duar.

LEXO EDHE:
Pulë me oriz në furrë nga zonja Albana

Presim të gjitha perimet në kubikë mesatare dhe i vendosim në një tavë. Shtojmë vaj ulliri, kripë, piper të zi dhe miks erëzash sipas dëshirës. I përziejmë mirë perimet me duar dhe më pas i nivelojmë në tavë. Mbi perimet vendosim zgarën e tavës dhe mbi zgarë vendosim pulën me kurriz nga lartë. E vendosim tavën në furrë të parangrohur në temperaturën 180 gradë Celsius për 50 minuta.

MC/Shqiptarja.com

TAG: