Receta

Tavë në shtrat pureje me mish pule

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 14 Nëntor 2022, 09:52 | Përditesimi: 14 Nëntor 2022, 09:53

Tavë në shtrat pureje me mish pule

Përbërësit:

4 patate
1 lgj gjalpë
2 lgj djathë kaçkavall
Qumësht sa të marrë pureja
2 gjoks pule
1 spec jeshil
1 spec i kuq
1 qepë
2 lgj salcë
4 lgj djathë pice
½ tufë majdanoz
Koncentrat perimesh
Piper i zi, piper i kuq
Kripë, arrë moskat

Përgatitja:

LEXO EDHE:
Pulë me oriz në furrë nga zonja Albana

Pasi i kemi larë mirë vendosim patatet të ziejnë në ujë të bollshëm me kripë. Më pas i qërojmë dhe realizojmë purenë duke shtuar gjalpë dhe qumësht, në fund shtojmë dhe pak djathë të grirë kaçkavall dhe arrë moskat. E vendosim purenë e patateve në një tavë duke e niveluar mirë.

Në një tigan kaurdisim qepën e grirë imët, sapo qepa të zbutet shtojmë mishin e pulës të prerë në kubikë. Vazhdojmë kaurdisjen derisa mishi të ndryshojë ngjyrë, më pas shtojmë specat, salcën e domates dhe bimët aromatike. Rregullojmë shijen me kripë, piper të zi dhe piper të kuq. Këtë masë e vendosim në tavë mbi shtresën e puresë. E nivelojmë mirë duke e spërkatur të gjithë sipërfaqen me djathë pice. E vendosim tavën në furrë të parangrohur në temperaturën 180 gradë Celsius për 30 minuta.