Të dënuar në Francë e Itali për trafik droge, ja 3 dibranët që duhet të deklarojnë pasurinë

Operacioni Forca e Ligjit u ka dërguar formularin e deklarimit të pasurisë 3 personave.

Report Tv mëson se formulari i pasurisë do t'u dërgohet Eriol (Moll) Çelaj,  Tedi Vojkas, Albi Murjas të dënuar në Francë dhe Itali për trafik droge.

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

LEXO EDHE:
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

E.(M.) Ç.,  banues në Dibër, i dënuar në Itali për veprën penale “Trafikimi i narkotikëve”;

T. V., banues në Dibër, i dënuar në Francë për veprën penale "Trafikimi i  narkotikëve”;

A. M., banues në Dibër, i dënuar  në Francë  për veprën penale “Trafikimi i narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

E.M./B.K./Shqiptarja.com

TAG:
• trafik droge
• ofl
• deklarimi i pasurise