'Të deshte qielli Kolonel', ndahet nga jeta mjeku i njohur i Spitalit Ushtarak

'Të deshte qielli Kolonel',  ndahet nga jeta mjeku i njohur i Spitalit Ushtarak

Mjeku, Luan Nikollari

TIRANË- Mjeku i njohur i Spitalit të Traumës, Luan Nikollari është ndarë nga jeta. Lajmin e trishtë e ka bërë me dije familja e tij nëpërmjet një postimi në rrjetin social Facebook.

“Ju bëjmë me dije se babi jone Luan Nikollari ndërroi jetë. Jemi te “Shtëpia e Pritjes Univers”, te rruga Bardhyl”, thuhet në njoftimin e familjes.

Miq dhe kolegë të tij kanë shkruar disa fjalë të ndjera për mjekun, i cili la gjurmë në mjekësinë shqiptare.

“Lamtumirë mik! E rëndë lamtumira jote! Njeri para së gjithash, mjek i palodhur, drejtues i denjë e i papërlyer, babai më i mirë që familja mund të këtë, i dashuruar pas SUT, i pakursyer për shokët, miqtë e pacientët!  Të qoftë e blertë lendinë Luan Nikollari! Kishe akoma shume për të dhënë por të deshte qielli Kolonel!”, shkruan rektori i Universitetit të Mjekësisë, Arben Gjata në mesazhin e tij të ngushëllimit në Facebook.

“Një djalë, baba e koleg i përsosur. Të qoftë i lehtë dheu Dr. Luani!!!”, shprehet mjeku Tritan Kalo.

Nikollari është një emër i njohur i mjekësisë shqiptare pasi në vite të ndryshme ka mbajtur një sërë postesh të rëndësishme, ku mund të rendisim atë si Drejtor i Institutit të Kërkimeve Mjekësore Ushtarake (IKMU) ne Spitalin Ushtarak Qendror Universitar (SUQU)-Tiranë në 2012.

Gjithashtu përgjatë viteve 2000-2006 ai ka qenë Drejtor i Drejtorisë se Shëndetësisë në Ministrinë e Mbrojtjes, por edhe shef i departamentit të Epidemiologjisë në spitalin Ushtarak Qendror Universitar (SUQU), përgjatë viteve 1999-2000.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tata: 07/08/2022 11:10

    Ngushelli e te ndjera familjes. Dhimbja esht me e lehte kur je krenar para shoqerise per vepren e jeten e te dashurit,sepse jeta e te ndjerit pati nje sens,ishte me vlere dhe e denje te quhet jete. Jemi shume qe marrim pjese ne hidherimin tuaj.

    Përgjigju
  • Ushtarak: 07/08/2022 03:56

    Nje njeri I perkryer dhe nje mjek ushtarak I devotshem. Ngushullime familjes dhe repekt per punen e tij ne FA dhe jo vetem

    Përgjigju
  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik