Të dhënat personale të qytetarëve, Kim thirrje autoriteteve: Të zbatohen rekomandimet e OSBE/ODIHR, votimi pa frikë është themelore për demokracinë

Ambasadorja amerikane në vendin tonë Yuri Kim u ka bërë thirrje autoriteteve që të veprojnë sipas rekomandimeve të OSBE-ODIHR, në lidhje me zgjedhjet e 25 prillit.

Teksa ka shpërndarë një postim të kryekomisionerit të KQZ-së Ilirjan Celibashit, ku theksohet se Shqipëria duhet të garantojë sigurinë e të dhënave personale të qytetarëve, Kim nënvizon se e drejta e qytetarëve të votojnë pa frikë është themelore për demokracinë.

'Ne i nxisim autoritetet të veprojnë sipas kësaj dhe rekomandimeve të tjera të @osce_odihr  në lidhje me zgjedhjet e 25 prillit. E drejta e qytetarëve për të votuar lirshëm - pa frikë apo presion apo joshje të paligjshme - është themelore për demokracinë. Rekomandimi i Katërt Prioritar i Raportit Përfundimtar të OSBE/ODIHR për Zgjedhjet e 25 Prillit 2021 në Shqipëri!'- shkruan ambasadorja.

LEXO EDHE:
Senati amerikan miraton ndihmën 60 mld dollarë për Ukrainën! Biden: Armët në Kiev këtë javë! Zelensky: Ndihmë kyçe për rivendosjen e paqes

Nga ana tjetër Celibashi bën thirrje që institucionet përkatëse duhet të hetojnë dhe të sanksionojnë plotësisht çdo shkelje që ndikon në besimin e publikut në procesin zgjedhor.

'Shqipëria duhet të garantojë sigurinë e të dhënave personale të qytetarëve. Institucionet përkatëse duhet të hetojnë dhe të sanksionojnë plotësisht çdo shkelje që ndikon në besimin e publikut në procesin zgjedhor.'- shkruan Celibashi.

Postimi i ambasadores Yuri Kim

M.Q./Shqiptarja.com

TAG:
• SHBA
• Yuri Kim