POP 5

Lajmet më të lexuara të 5 minutave të fundit

Sport

Të fundit nga merkato/ Ancelotti kërkon Ronaldo-n, agjenti ia sugjeron Man.City-t! Mbappe takim urgjent me Paris SG, Atletico blen Vlahovic për 70 mln euro

Trajneri i Real Madrid Karlo Ançeloti i ka kërkuar klubit rikthimin e Cristiano Ronaldos. Ndërkohë edhe Mbappe po bën çmos që këtë verë të transferohet te ‘galaktikët’, ndërsa Atletiko Madrid ka arritur akordin për blerjen e sulmuesit të Fiorentivës Vlahovic për shifrën e 70 milionë eurove.

Cristiano Ronaldo është një emër i nxehtë në merkato pavarësisht se fituesi i pesë herë topit të artë u kthye në stërvitje me Juventusin pas spekulimeve për t’u larguar. Së fundmi mediat në Spanjë, por edhe një mik i ngushtë i portugezit ka deklaruar se trajneri i Real Carlo Anchelotti i ka kërkuar me insistim drejtuesve rikthimin e sulmuesit. Italiani e kishte njeriun e besuar Ronaldon në Champions Leaguen e fituar në 2014 dhe mendon se ai është ende të bëjë diferencën pavarësisht moshës 36-vjeçare.

Ndërkohë mediat italiane dhe konkretisht Corriere dello Sport kanë shtangur sot me lajmin se agjenti Jorge Mendes i ka ofruar Ronaldon Manchester City-t. Duke qenë se këta të fundit po dështojnë për Harry Kane, sipas Mendes Ronaldo mund të transferohet te skuadra e Guardiolës për 30 milionë euro, duke qenë se është në vitin e fundit të kontratës me Juventusin.

Sakaq zhvillime ka edhe për Kylian Mbappe, i cili e ka shprehur hapur dëshirën për t’u larguar dhe ka refuzuar ofertat për të rinovuar me Paris SG, pasi Reali e pëlqen shumë. Sipas ‘El Chiringuito’ talenti francez do të zhvillojë një takim këtë mesjavë me presidentin e Paris SG për t’I kërkuar që të largohet që këtë verë. Nga ana tjetër Real Madrid po përpilon ofertën prej 120 milionë eurosh që pritet të jetë e mjaftueshme, duke parë që futbollisti është në vitin e fundit të kontratës.

Lajme për mbylljen e një marrëveshje vijnë nga Firence aty ku Fiorentina ka mbyllur gjithçka me Atleticon për shitjen e sulmuesit premtues Dusan Vlahovic. Sipas ‘Corriere dello Sport’ akordi për serbin është arritur për 70 milionë euro, ndërsa mbetet për t’u dhënë vetëm konfirmimi i presidentit të Fiorentinës Comisso. Në këtë mënyrë Atletico Madrid mposht konkurencën e Interit dhe Tottenham-it, që ishin të interesuar për 21-vjeçarin.

Ne.k./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça