Receta

Të gatuajmë me zonjën Vjollca/ Ersonelda nga Fieri fiton quizin "Sa kushton receta?"

Si çdo të premte edhe sot në “Rreze Dielli”, përveçse sollëm dy receta fantastike nga zonja Vjollca, u argëtuam me rubrikën-quiz “Sa kushton receta?” Ersonelda nga Fieri 'qëlloi në shenjë' për shumën e recetës Byrek me kremviçe, speca dhe djathë dhe fitoi shumën prej 2000 lekësh.

Redaksia 25 Tetor 2019, 10:36 | Përditesimi: 25 Tetor 2019, 17:59

Byrek me kremviçe, speca dhe djathë

Përbërësit:

LEXO EDHE:
Tavë me lakër arme dhe kimë nga zonja Albana

1 pako peta

250 gr kremviçe

2 speca

150 gr djathë i bardhë

150 gr djathë kaçkavall

2 kokrra vezë

200 ml qumësht

Vaj ulliri

Kripë dhe piper i zi

Përgatitja: Fillimisht presim kremviçet në rrathë shumë të hollë. Specat dhe djathin i presim në kubikë të vegjël dhe i vendosim në tasa të veçantë: Specat dhe djathin e bardhë bashkë, kremviçet dhe kaçkavallin në një tas tjetër.

Rrahim vezët dhe shtojmë 6 lugë gjelle vaj ulliri duke i përzierë së bashku dhe duke shtuar qumësht, kripë dhe piper të zi.

Byrekut do t'i japim formën e një keku dhe do ta gatuajmë në një tavë për kek. Lyejmë tavën me yndyrë. Vendosim petët duke i rrudhur brenda tavës dhe duke i nxjerrë pak nga anët. Skërkatim me qumësht dhe vajin e tretur.

Fillojmë të shpëndajmë mbushjen fillimisht specat dhe djathin e bardhë. Vendosim 2 peta, i spërkatim pak dhe në shtresën e dytë i mbushim me kremviçe dhe kaçkavall. Kështu alternojmë mbushjet në çdo 2 petë në fund mbledhim anët dhe vendosim byrekun në furrë 190 gradë Celsius për 25 minuta.

Fasule me pançetë dhe spinaq

Përbërësit:

2 lugë gjelle vaj ulliri

100 gr pançetë ( në kubikë)

3 thelpinj hudhra

250 gr fasule të gatuara

600 gr spinaq

Kripë dhe piper i zi

Përgatitja: Ngrohim vajin dhe skuqim pançetën derisa të marrë ngjyrë të kuqerremtë. Shtojmë hudhrën të grirë hollë dhe e gatuajmë për 30 sekonda. Shtojmë fasulet të kulluara dhe i lëmë të marrin një valë për 2 minuta. Shtojmë spinaqin sa të bjerë volumi i spinaqit dhe rregullojmë shijen me kripë dhe piper të zi. E lëmë derisa spinaqi të thahet për 2 minuta, shtojmë pançetën nëse e kemi larguar, por mund t’I gatuajmë edhe së bashku. E shërbejmë menjëherë.

Minutat në vazhdim pjekim edhe disa gështenja!