Receta

Të gatuajmë me zonjën Vjollca/ Fileto pule me salcë Strogonoff dhe Pite të mbushura. Ana nga kryeqyteti fiton kuicin e së premtes

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.Si çdo të premte edhe sot në “Rreze Dielli”, përveçse sollëm dy receta fantastike nga zonja Vjollca, u argëtuam me rubrikën-quiz “Sa kushton receta?” . Ana nga Tirana fitoi kuizin "Sa përqind yndyrë kanë 3 llojet e qumështit të lopës nga Zepa Natyral", duke fituar një kupon që mund ta shpenzojë në një nga dyqanet e Zepa Natyral.

Redaksia 31 Janar 2020, 10:50 | Përditesimi: 31 Janar 2020, 14:08

Fileto pule me salcë Strogonoff

Përbërësit:

LEXO EDHE:
Tavë me lakër arme dhe kimë nga zonja Albana

400 gr fileto pule

Vaj ulliri

1 lugë gjelle gjalp

Kripë dhe piper i zi

1/2 qepë e thatë

1 lugë gjelle miell

70 ml verë e bardhë ose ëhiskey

1 gotë lëng pule ose mishi (250 ml)

3 lugë gjelle ketchup

1 lugë çaji mustardë

300 gr kërpudha

150 gr krem pana

Majdanoz

Përgatitja:

Lajmë mishin dhe e presim në kubikë sa një kafshatë. Në një tigan të thellë vendosim 2 lugë gjelle vaj ulliri, 1 lugë gjelle gjalp, shtojmë fileton e pulës të prerë në kubikë dhe e kaurdisim derisa të ndryshojë ngjyrë dhe të zverdhet. Hedhim kripë, piper të zi. (Largojmë mishin nga tigani dhe e lëmë mënjëanë të mbuluar. Në po atë yndyrë shtojmë qepën të prerë në kubikë të vegjël dhe e kaurdisim mirë derisa qepa të zbutet duke e spërkatur me pak kripë.

Kur qepa të jetë tretur mirë, e shuajmë me verë ose ëhiskey, e lëmë sa të avullohet alkooli, shtojmë 1 lugë gjelle miell dhe e kaurdisim së bashku me qepën pa I dhënë ngjyrë, ketchup dhe mustardë. Shtojmë lëngun e pulës ose të mishit dhe e lëmë të marrë valë me temperaturë mesatare.

Ndërkohë në një tigan me pak vaj skuqim kërpudhat në temperaturë të lartë sa të zverdhen pak.

Shtojmë në tiganin e salcës mishin dhe kërpudhat e skuqura, i përziejmë së bashku dhe i lëmë të ziejnë për 10 minuta në temperaturë të ulët me kapak. Pasi të kalojë kjo kohë shtojmë kremin pana, e lëmë të marrë valë për 4 minuta dhe e shërbejmë menjëherë me pak majdanoz të grirë.

Pite të mbushura

Përbërësit:

500 gr miell

1/4 lugë kafe sodë buke

1 vezë

Kripë

230 ml ujë të vakët

200 gr djathë

200 gr sallam ose salçiçe

2 speca me ngjyrë

1 domate

1/2 lugë kafe rigon

Vaj për skuqje

Përgatitja:

Në një tas vendosim miellin, pak sodë buke, kripë, I përziejmë së bashku dhe hapim një gropë në mes dhe shtojmë aty 230 ml ujë të vakët, vezë, punojmë brumin mirë dhe e lëmë mënjëanë të pushojë. Më pas e presim në kuleçë të vegjël dhe e lëmë sërish të pushojë.

Në një tas vendosim specat në kubikë të vegjël, domaten të prerë në kubikë, dhe sallamin të prerë në kubikë dhe I përziejmë të gjitha në një tas ku shtojmë edhe djathin.

Hapim kulaçët në një rreze 20-25 cm. Vendosim 1 lugë gjelle mbushje, bashkojmë pjesët anësore duke I fiksuar ato me anë të një piruni. Pitet mund të skuqen, por edhe piqen në temperaturë 200 gradë Celsius, për 20 minuta.