Të gatuajmë me zonjën Vjollca/ Kulaç me djathë dhe Qofte me gjizë e salcë

Kulaç me djathë

Përbërësit:

2 vezë

1 1/2 filxhan kafe vaj ulliri

1 filxhan çaji kos

450-500 gr miell

1 lugë çaji pluhur pjekës

200 gr djathë

Kripë

Susam

Përgatitja:

Në një tas trazojmë vezët, vajin dhe kosin.

Vendosim miellin në një tas, shtojmë në të pluhur pjekës dhe veçojmë 5 lugë gjelle miell mënjëanë.

Shtojmë gradualisht miell në tasin me produktet e lëngshme që përziemë më parë duke trazuar gradualisht me dorë, shtojmë djathin e thërrmuar dhe vazhdojmë ti përziejmë dhe të rregullojmë konsistencën e brumit me miellin që hoqëm mënjëanë. Vazhdojmë kështu derisa brumi të lidhet. E lëmë të pushojë 15-20 minuta dhe më pas e vendosim në tepsi si të dëshironi ju, si kulaç të mad hose në kulaçka të vogla, duke I lyer në çdo rast me vaj dhe rigon. E pjekim në furrë në temperaturë 200 gradë Celsius, për 20-25 minuta.

Qofte me gjizë dhe salcë

Përbërësit:

500 gr gjizë

5 lugë gjelle bukë të thekur të grirë

5 lugë gjelle parmixhan i grirë

1 tufë koper

2 vezë

2 thelpinj hudhra

Kripë dhe piper i zi

Salca:

Vaj ulliri

1 thelpi hudhër

500 ml pure domate

Borzilok

Përgatitja:

Në një tas vendosim gjizën, bukën e thekur të grirë, parmixhan, hudhrën, koper të grirë hollë, vezët, njërën të plotë dhe një të verdhë veze, kripë dhe piper. Punojmë mirë me dorë të gjityë përbërësit dhe formojmë toptha të vegjël sa një arrë e madhe.

I lëmë qoftet mënjëanë .

Ndërkohë në një tigan vendosim 3-4 lugë gjelle vaj ulliri, 1 thelpi hudhër sa të aromatizojë vajin, largojmë hudhrën dhe shtojmë salcën e domates dhe borzilok. E lëmë të ziejë në temperaturë mesatare duke shtuar qoftet me gjizë brenda në salcë, I lëmë të ziejnë qoftet për 10 minuta nga njëra anë, i kthejmë duke i lënë dhe 10 minuta nga ana tjetër. Pasi të kalojë kjo kohë largojmë tiganin dhe I shërbejmë qoftet me gjizë dhe salcë të ngrohta.

 

D.M.//Shqiptarja.com

TAG:
• receta
• rrezedielli
• zonjavjollca