Receta

Të gatuajmë me zonjën Vjollca/ Patate furre me sallam e gogozhare dhe Supë krem karrote me arra dhe bukë të thekur

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 9 Janar 2020, 11:03 | Përditesimi: 9 Janar 2020, 12:46

Patate furre me sallam dhe gogozhare

Përbërësit:

LEXO EDHE:
Tavë me lakër arme dhe kimë nga zonja Albana

500 gr sallam Tona

1.2 kg patate

Kripë dhe piper i zi

Rigon ose rozmarinë

4 speca të pjekur gogoxhare

Vaj ulliri

Përgatitja:

Presim sallamin në copëza me gjatësi 4-5 cm. Qërojmë patatet dhe i presim në feta të trasha. Vendosim një tenxhere me ujë të bollshëm për të valuar. Hedhim në të kripë.

Vendosim patatet dhe I japim një valë 3 deri në 4 minuta. I kullojmë dhe I vendosim në një task u do të shtojmë 4 lugë gjelle vaj ulliri, kripë, rigon ose rozmarinë.

Ngrohim tepsinë në furrë në temperaturë 200 gradë Celsius dhe shtojmë në të patatet. Presim në rripa specat e pjekur gogoxhare të regjura në vaj. I shtojmë specat në tepsi duke i përzierë me patatet, vendosim copat e sallamit dhe e vëmë tepsinë në furrë për 20-25 minuta. Në fund e nxjerrim dhe pjatën e servirim me një sallatë.

Supë krem karrote me arra dhe bukë të thekur

Përbërësit:

500 gr karrota

400 gr patate e ëmbël

1 mollë jeshile

1 qepë

2 thelpinj hudhra

30 gr xhinxher

3 lugë gjelle vaj ulliri

400 ml qumësht kokosi

1 lugë çaji kerri

1 lugë kafe kanellë

Kripë dhe piper i zi

2 feta bukë në kubikë

4 lugë gjelle arra

2 lugë gjelle lëng limoni

Përgatitja:

Lajmë dhe pastrojmë karrotat dhe i presim ato në copa të vogla. Po ashtu qërojmë patatet dhe i presim ato në kubikë të vegjël. Të njëjtën gjë bëjmë edhe me mollën, e qërojmë, e presim në kubikë të vegjël. Në të njëjtën mënyrë veprojmë edhe me qepën.

Ngrohim një lugë gjelle vaj ulliri dhe kaurdisim qepën derisa të bëhet transparente. Shtojmë në të hudhrën të grirë imët, po ashtu dhe xhinxherin të grirë imët. I kaurdisim për 2-3 minuta së bashku. Shtojmë karrotat, patatet, mollët, në kubikë dhe I përziejmë për 2 minuta.Shtojmë qumështin e kokosit, 500 ml ujë, kerrin, kanellën, kripën dhe piperin e zi, e mbulojmë dhe e lëmë të ziejë në temperaturë të ulët për 15 minuta.

Ndërkohë në një tigan ngrohim 2 lugë gjelle vaj dhe skuqim bukën në kubikë dhe arrat e copëtuara për 3-4 minuta. Pasi të kalojnë 15 minuta, kalojmë supën në blender dore dhe e kthejmë atë në krem. Rregullojmë shijen me kripë dhe piper, lëng limoni. E servirim duke shtuar në fund kubikë buke dhe arrat e pjekura.