Të gatuajmë me zonjën Vjollca, patëllxhanë me patate e vezë dhe çorbë me pulë, perime e oriz

Receta e parë

Patëllxhanë me patate dhe vezë 

Përbërësit:

½ qepë e kuqe

3 lugë gjelle vaj ulliri

2 patëllxhanë (250gr)

2 patate (300 gr)

Kripë dhe peper I zi

1 lugë kafe kumin

Pak hudhër pluhur

1 lugë kafe piper I kuq

2 lugë gjelle pure domate

2 lugë gjelle majdanoz I grirë

3 kokrra vezë

125 gr mozzarella

Përgatitja:

Pastrojmë perimet dhe  presim ato, si patëllxhanet dhe patatet në kubikë me brinjë 1 cm.

Vendosim patatet në një tenxhere me ujë plus 1 lugë kripë dhe i lemë të ziejnë derisa të zbuten (aldente).

Ndërkohë në një tigan të gjerë vendosim 3 lugë gjelle vaj ulliri dhe kavardisim qepën të prerë imët derisa ajo të bëhet transparente. Shtojmë patëllxhanët dhe vazhdojmë të kavardisim, më pas vendosim kapakun për 3-4 minuta derisa patëllxhanët të ulin volumin por dhe të jenë zverdhur pak.

Rregullojmë shijen me kripë dhe peper të zi plus kumin + hudhër pluhur+piper të kuq+dy lugë gjelle pure domate +majdanoz të grirë imët, i trazojmë për një minutë, kullojmë patatet dhe largojmë tiganin nga zjarri.

Shtojmë patatet dhe i përziejmë me patëllxhanet.

Rrahim 3 kokrra vezë+ kripë+piper dhe e hedhim në patatet me patëllxhan. Nuk e trazojmë më, por vendosim kapakun dhe me disa lëvizje të lehta të tiganit e lëmë vezën të mpikset. Vendosim tiganin në zjarr.

Grijmë me rende djathin mozzarella dhe e shpërndajmë në të gjithë sipërfaqen në tigan. E mbulojmë me kapak dhe e lëmë derisa djathi të shkrijë. Spërkatim me majdanoz dhe e servirim të shoqëruar me sallatë. 

Receta e dytë  

Çorbë me pulë, perime dhe oriz

Përbërësit:

400-500 gr mish pule

50 gr qepë 150gr karrotë

150gr rrënjë seninoje

 1 filxhan kafe oriz

2 lugë gjelle  vaj ulliri

Kripë, Piper i zi

Gjysmë  litër lëng pule

30gr gjalp

piper i kuq, majdanoz

Përgatitja:

Vendosim në tenxhere 1.5 litra ujë dhe pasi uji të ketë valuar shtojmë copët e pulës dhe I lëmë të ziejnë për 25-30 minuta.

Ndërkohë në një tenxhere me 2 lugë gjelle vaj kavardisim qepët të grirë shumë hollë. Sapo qepa të jetë zbutur shtojmë karrotët dhe rrënjët e selinosë të prerë në kubikë të vegjël plus orizin (të shpëlarë)dhe I kavardisim së bashku për 2-3 minuta dhe shtojmë lëngun e pulës dhe mishin e pulës të copëtuar me dorë (nëse është fileto pule e presim në kubikë të vegjël). E lemë çorbën të ziejë për 15 minuta. Më pas e fikim sobën dhe e lemë tenxheren të pushojë në temperaturën e saj me qëllim që çorba të ajkoset.

Ndërkohë shkrijmë gjalpin dhe në fund shtojmë ½ lugë kafeje piper të kuq të cilin ia shtojmë çorbës në fund, para se ta servirim me pak majdanoz.

/b.ha./Shqiptarja.com

TAG:
• patate
• pule
• zonja vjollca rreze dielli
• patellxhan
• corbe