Receta

Të gatuajmë me zonjën Vjollca/ Qofte me patate të pjekura dhe Makarona me kungull e karkaleca

Në këtë hapësirë të faqes sonë do të gjeni mënyrën e përgatitjes së recetave të gatimit të përgatitura nga Zonja Vjollca .Këto receta Zonja Vjollca i gatuan çdo ditë në emisionin "Rreze Dielli" nga ora 08:45 -10:00.

Redaksia 19 Dhjetor 2019, 11:06 | Përditesimi: 19 Dhjetor 2019, 15:06

Qofte me patate të pjekura

Përbërësit:

LEXO EDHE:
Tavë me lakër arme dhe kimë nga zonja Albana

400 gr mish i grirë

1 qepë e vogël

1 vezë

3-5 patate

3-4 speca jeshilë

Kripë, piper, vaj Olim

Bar qepe ose qepë të njoma

Përgatitja:

Vendosim në një tas mishin e grirë, shtojmë në të një qepë të grirë shumë hollë, vezë, kripë, piper të zi, punojmë brumin me duar dhe e lëmë mënjëanë të pushojë.

Qërojmë patatet dhe i presim ato shumë hollë në feta rrumbullake. Vendosim një tenxhere me ujë të valuar dhe i hedhim patatet për 1 minutë. Më pas i kullojmë dhe i venedosim në në një task u shtojmë vaj dhe kripë.

Presim specat në rrathë me trashësi 1 cm, i pastrojmë nga fijet dhe farat dhe i vendosim ato në një tepsi ku kemi vendosur letër pjekje.

Rrethojmë brenda fetës rrumbullake të specit petale me feta patatesh duke kompozuar një lule. Me ndihmën e një luge (dhe duar) formojmë sfera jo shumë të mëdha me qofte (sa një arrë e madhe) dhe i vëmë në mes të lules. Vendosim tepsinë në furrë në temperaturë 180-190 gradë Celsius për 20-25 minuta. Në fund, para se ti servirim vendosim bar qepe të grirë hollë, ose erëzën që preferoni.

Makarona me kungull dhe karkaleca

Përbërësit:

320 gr makarona

300 gr karkaleca

350 gr kungull

2 thelpinj hudhra

Pak spec pikant

Majdanoz

Vaj ulliri

Kripë dhe piper i zi

Përgatitja:

Vendosim në zjarr një tenxhere me ujë të bollshëm për të zierë, shtojmë kripë dhe më pas makaronat për të zierë sipas minutazhit në etiketë.

Në një tigan vendosim 2 lugë gjelle vaj ulliri, 1 thelpi hudhër dhe shtojmë në të kunguj të prerë në kubikë ose gjysmërrathë nëse janë të hollë. I kaurdisim herë pas here dhe i mbulojmë pak derisa kungujt të zbuten.

Ndërkohë në një tigan tjetër ngrohim pak vaj dhe 1 thelpi hudhër e grijmë shumë hollë, e shtojmë tek vaji, hedhim pak piper pikant dhe shtojmë në tigan karkalecat vetëm për 3 minuta, duke shtuar edhe majdanoz të grirë.

Në tiganin me karkalecë shtojmë edhe kungujt e gatuar, makaronat e ziera aldente, i përziejmë në tigan të gjitha së bashku duke shtuar pak nga lëngu i makaronave. I përziejmë 2 minuta, kohë të cilën ia lëmë mangut makaronave nga zierja dhe i shërbëjmë të ngrohta.