Karim Benzema fiton 'Topin e Artë'! Gavi talenti i vitit, Courtois portieri më i mirë! Lewandowski mbetet jashtë podiumit

Karim Benzema është fitueis i Topit të Artë 2022. Vëmendje ka marrë edhe veshja e tij. Sulmuesi i Real Madrid ka zgjedhur që të rikrijojë pamjen e reperit më të njohur të të gjitha kohërave, Tupac Shakur.

Benzema kishte zgjedhur një kostum të zi, të shoqëruar me një papion me butona, njësoj sic kishte bërë reperi Tupac në ceremoninë e ndarjes së çmimeve muzikore. Edhe aksesori që kishte zgjedhur ishte i njëjtë me atë të artistit amerikan, një palë syze me skelet floriri.

Karim Benzema fitoi "Topin e Artë" për vitin 2022. Sulmuesi 34 vjeçar i Real Madrid ia doli të shënojë 42 gola sezonin e shkuar, duke fituar çdo gjë të mundshme me Galaktikët. Sukseset e njëpasnjëhme dhe rëndësia e tij për ekipin ka bërë që "France Football" me organizatorët të shpallnin francezin si lojtarin e vitit 2022.

Mediet franceze bëjne me dije se shuma që do përfitojë Benzema nga trofeu është afërsisht 1 milionë euro. Në pamje të parë duket një shumë simbolike, në krahasim me pagën e tij te Real Madrid dhe përfitimet nga sponsorët.

Karim Benzema fitoi "Topin e Artë" për vitin 2022. Sulmuesi 34 vjeçar i Real Madrid ia doli të shënojë 42 gola sezonin e shkuar, duke fituar çdo gjë të mundshme me Galaktikët. Pas ndarjes së trofeut nga Zidane, Benzema u shpreh i emocionuar dhe ia kushtoi suksesin nënës.

"Është një ëndërr e jashtëzakoshnshme që bëhet realitet. Dua të falenderoj nënën time, e ftoj në skenë. Jam shumë i emocionuar. Lojtarët e Real Madrid kanë meritë në gjithë këtë sukses, pa ta nuk do ia dilja. Një emocion që nuk gjej fjalë. Kam bërë gjëra historike me ekipin.

Batuta - Nëse do luante në ekip Ronaldo Fenomeni dhe Zidane, nuk do doja që të luaja para tyre", tha Benzema.

Karim Benzema fiton Topin e Artë. Ai ishte krejtësisht i qetë, teksa po priste çmimin. Diçka e tillë ishte e pritshme, pasi futbollisti i Real Madrid ishte favorit absolut për shkak të asaj që ka dhënë në sezonin 2021/2022 për  madrilenët.

Karim Benzema është fituesi i Topit të Artë 2022. Trofeu u dorëzua nga Zinedine Zidane. Në moshën 34 vjeçare sulmuesi i Real Madrid është në majën e botë si futbollisti më i mirë.

Është më shumë se futboll…Ceremonia e ‘Topit të Artë’ është zgjedhur që të hapet në një mënyrë të veçantë. Në skenë është ngjitur tenori italian  Andrea Bocelli duke kënguar të famshmen "Nesun Dorma". Ndërkohë që në sfond ishin të vendosur edhe të gjithë fituesit e Topit të Artë.

Courtois portieri më i mirë në botë - Thibaut Courtois i Real Madridit është portieri më i mirë i sezonit 2021-22. Belgu u votua si më i miri në botë për sezonin e kaluar. Trofeu u dha nga Sebastien Haller në ceremoninë e Topit të Artë.

Renditja:

1) Thibaut Courtois
2) Alisson Becker
3) Ederson
4) Edouard Mendy
5) Mike Maignan
6) Kevin Trapp
7) Manuel Neuer
8) Jan Oblak
9) Yassine Bounou
10) Hugo Lloris

Trofeu Gerd Muller - Fitues i Topit të Artë, kampion i Evropës, tre herë në Champions League, Kampion Bote dhe që u nda nga jeta në vitin 2021, titulli i golashënuesit më të mirë i kushtohet sulmuesit historik të futbollit botëror. Robert Lewandowski ka thyer numrat dhe rekordet e tij dhe është shpërblyer në skenën e Theatre du Chatelet.

Alexia Putellas, futbollistja e Barcelonës ka fituar "Topin e Artë" për femra për të dytën herë radhazi. Më mira e sezonit 2001-22 i takon vajzave të Barcelonës. Çmimi u dha në ceremoninë e Topit të Artë në Paris.

Renditja e futbollisteve femra më të mira:

1) Alexia Putellas
2) Beth Mead
3) Sam Kerr
4) Lena Oberdorf
5) Aitana Bonmati
6) Alexandra Popp
7) Ada Hegerberg
8) Wendie Renard
9) Catarina Macario
10) Lucy Bronze

Sadio Mane është zgjedhur në ceremoninë e Topit të Artë që po mbahet në Paris si njeriu i popullit. Ai ka fituar "Trofeun Socrates", në nder të ish-legjendës së Brazilit. Për kontributin për komunitetin dhe bamirësitë e tij, Mane është nderuar me këtë çmim.

Bota e futbollit ka mësuar talentin e ri më të mirë për këtë vit. Trofeu i parë në ceremoninë e Topit të Artë në Paris ka shkuar për futbollistin e Barcelonës, 18 vjeçarin Gavi. Nga Pedri (vjet) te Gavi, duket se Barça ka në ekip talente të vlefshëm. Trofeu u dorëzua nga fenomeni Ronaldo.

Renditja e talenteve:

1) Gavi
2) Eduardo Camavinga
3) Jamal Musiala
4) Jude Bellingham
5) Nuno Mendes
6) Josko Gvardiol
6) Ryan Gravenberch
8) Bukayo Saka
9) Karim Adeyemi
10) Florian Wirtz

Gavi