POP 5

Lajmet më të lexuara të 5 minutave të fundit

Sociale

‘Të gjithë në dëborë’, 65 të rinj provojnë skitë në Dardhë: Na pëlqeu shumë

Një projekt që synon të masivizojë sportin e skive dhe të evidentojë cilësitë pozitive të dëborës, bëri bashkë mbi 65 të rinj këtë të shtunë në Dardhë të Korçës. Pjesëmarrësit ishin të entuziazmuar për këtë eksperiencë, ndërsa projekti do përsëritet çdo javë.

Mbi 65 të rinj, kryesisht vajza gjimnaziste nga disa zona të vendit si Kukësi, Puka, Durrësi dhe Korça morën pjesë sot në aktivitetin ‘Të gjithë në borë’ të mbajtur në Dardhë të Korçës.

Qëllimi ishte krijimi i njohurive për sportet malore si dhe dukuritë pozitive që sjell dëbora pavarësisht se nga banorët e këtyre qyteteve është parë gjithmonë si diçka që sjellë bllokim dhe vështirësi për jetesën.

Të rinjtë që morën pjesë përjetuan emocione të veçantë në pistën e Bigllës ku çdo fundjavë me mijëra qytetarë e zgjedhin si një vend pushimi.

“Sot është hera e parë për mua. Pista më pëlqen sepse është sipas niveleve dhe mund të provojmë veten.”

“Akoma e quaj veten fillestare sepse nuk kam shkuar ende aty sa të quhem profesioniste në sportin e skive, por çdo ditë po përmirësohemi.”

“Nuk është i pari vit që bëjmë këtu ski. Është pistë e kompletuar dhe jemi shumë të kënaqur. Kemi bërë dje praktike dhe sot mund të bëjmë ndonjë garë. Jemi të lumtur që ndodhemi këtu dhe marrim pjesë në çdo lloj aktiviteti të skive”, shprehen të rinjtë.

Ky aktivitet, që nisi me projektin e federatës shqiptare të skive, mbështet nga qeveria shqiptare.

“Për të parë borën dhe skijimin si një mënyrë jetese, si një mënyrë argëtimi dhe pse jo si një profesion i të ardhmes: si instruktor për amatorët, për pistat e skive në Shqipëri dhe vendet afër. Për të integruar të rinjtë me sportet dimërore dhe veçanërisht vajzat”, thotë Etrit Xhuglini, sekretar i Federatës së Skive.

Projekti të gjithë në borë synon të përsëritet çdo javë dhe në vijim do jenë të tjerë gjimnaziste të cilët do kenë mundësinë të provojnë skitë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Meri: 28/01/2024 00:24

    Banorēt e kētyre qyteteve nuk paskan kuptuar gjē akoma.Ardhja e turistēve vëndas dhe të huaj,është mirēqēnja e tyre.Kēta turistë ,do hanë,do pijnē,do flen,do blejnë diçka për t'ia çuar të afērmëve në shtëpi,è kēshtu që,do t'ju shitet prodhimi fermerve të zonës e do të hapen edhe vende pune në bare,ristorante e hotele.Lum,kush di ta shfrytëzoi,kētë dhuratë të madhe,që i'a jep natyra.

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce