‘Të hanë kokat e njëri-tjetrit’, Berisha i kundërpërgjigjet Ramës: Kjo që thoshte ky është e njëjtë si të japësh licenca për vrasje

Ish-kryeministri Sali Berisha është shprehur se ngjarjet kriminale në vend vijnë si pasojë e  deklaratave të kryeministrit Rama. Berisha komentoi deklaratën e kreut të qeverisë për PD ku tha se “kriminelët le të hanë kokat e njëri-tjetrit”.

 “Të firmosim fitoren, ta bëjmë të pashpresë monizmin e Ramës. Vota për 14 majin është një votë për sigurinë tonë. Ky regjim mbështetet kryekëput te krimi. Ne paguajmë një polici dy herë më të madhe në numër se ajo në vitin 2012. Por ajo është e infiltruar nga krimi. Raporti i inteligjencës tregonte se 127 oficerë rezultonin me mbjellje droge.

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Rama doli me parimin “t’i hanë kokën njëri-tjetrit”. Ne nuk e kemi dënimin me vdekje. Ky është makabritet. Kjo që thoshte Rama është e njëjtë si të japësh liçenca për vrasje. Çfarë ndodhi parmbrëmë, një nënë që punonte në banak dhe 4-5 qytetarë që pinin kafe u bënë objekt i breshërisë së kallashnikovit, vetëm sepse Rama urdhëron të hanë kokat e njëri-tjetrit. Mund të kishim 6 të vdekur. Ky është dorëzim para krimit. Ndaj u bëj thirrje të gjithë shqiptarëve që më 14 maj të votojnë Zef Hilën, të votojnë ndryshimin.

U bëj thirrje socialistëve, asnjë votë për kandidatin, kryetarin tuaj që Rama ia dha me koncesion Tom Doshit. Po ç’punë keni ju me ta, jeni shumë më afër me Zef Hilën. Të bashkohemi më 14 maj dhe të sjellim fitoren”, u shpreh Berisha.

Në përditësim...

Lajmi kryesor:

U shkarkua se dogji KZAZ në vitin 2019, Berisha e kandidon sërish: Votoni Zef Hilën për Bashkinë e Vaut të Dejës se është njeri prej jush, kam dekada bashkëpunimi me të

G.MO/A.M./Shqiptarja.com

TAG:
• edi rama
• PD
• zgjedhjet vendore 2023
• sali berisha