POP 5

Lajmet më të lexuara të 5 minutave të fundit

Sociale

Të kujdesesh për bletët, punë e vështirë por e bukur! Bletërritësit: Punën e bëjmë me pasion, por ka kosto! Këtë vit prodhimi është i pakët

Urim Loka është një prej bletarëve të zonës së Kukësit që prej 20 vitesh kujdeset për mbi 50 koshere bletë. Ai rrëfen për Report Tv se këtë punë e bën jo vetëm për të ardhura, por për pasion. Së bashku me bletarë të tjerë ngrenë shqetësimin se këtë vit, prodhimi është më i ulët.

Urim Loka është një prej bletarëve të zonës së Kukësit që prej 20 vitesh kujdeset për mbi 50 koshere bletë. Ai rrëfen për Report Tv se këtë punë e bën jo vetëm për të ardhura, por për pasion. Së bashku me bletarë të tjerë ngrenë shqetësimin se këtë vit, prodhimi është më i ulët.

Pranë shtëpisë së tij, në fshatin Malqene të Kukësit ka mbi 50 koshere, për të cilat kujdeset pjesën më të madhe të ditës.

Është një punë që e bën jo vetëm nga nevoja për të siguruar të ardhura, por dhe për pasion.

“Unë kam 20 vite që merrem me shërbimin e bletve. I kam pasion timin”,- tha Loka.

Vështirësitë për këtë sektor janë të shumta. Nisin që nga shtrenjtimi i materialeve që shërbejnë për kujdesin ndaj bletëve e deri te pesticidet.

“Ka vështirësi, nuk duhet lënë në harresë se zhduket. Do mjekime, pesticidet e dëmtojnë”,- shtoi ai.

Në mes të bletëve i kalon ditët edhe Mustaf Caka, një tjetër banor i fshatit Malqene. Ai ka më pak koshere, ndaj mjaltin e përdor vetëm për konsum familjar.

“Kam mbajtur sa për vete dhe fëmijët”,- tregoi Caka.

Shqetësim për të mbetet rënia e prodhimit këtë vit.

Vështirësitë nuk ua zbehin pasionin, si Urimi dhe Mustafa thonë se do të vijojnë të merren me bletarinë.

“Pa një koshere bletë në oborr, nuk jap shpirt”,- tregon bletërritësi.

K.M/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56