Shkupi i ka thënë po propozimit francez, duke i hapur rrugën Shqipërisë dhe Maqedonisë së Veriut të ulen në tryezën e parë ndërqeveritare me Bashkimin Europian. Kryeministri Edi Rama e ka cilësuar këtë moment si fund pengmarrjes absurde të Shqipërisë.
“U deshën plot 3 vite të stërmundueshme nga vendimmarrja e Këshillit Europian për t'i hapur rrugë negociatave, që vargmali i pengesave artificiale të ngritura përpara Shqipërisë të rrafshohet tërësisht. Por të mos e harrojmë, ky nuk është fundi i rrugës sonë, por vetëm fillimi i një pjese të re të rrugës për Shqipërinë që duam”, shkruan Rama.
Rama paralajmëron se delegacioni shqiptar do të niset të hënën drejt Brukselit për Konferencën e Parë Ndërqeveritare.
"Shqipëria do t'ia dali në krye edhe kësaj pjese të re përpjekjesh, duke u lidhur më ngushtë me shqiptarët dhe duke e synuar me forca të reja majën ku do ta ngjisim me se s'bën Shqipërinë.
Presidenti Ilir Meta ka përshëndetur miratimin e propozimit francez në Kuvendin e Maqedonisë së Veriut, duke thënë se kjo i hap rrugë çeljes së negociatave. Nga krahu tjetër, përgëzon faktorin politik shqiptar për besnikërinë e orientimit europian. Ministrja e Jashtme Olta Xhaçka thotë se duhet të shohim përpara për integrimin drejt BE-së, ndërsa thotë se duhet kompensuar koha e humbur.
Reagime për mbajtjen e konferencës së parë ndërqeveritare kanë ardhur edhe nga opozita. Ish-kryeministri Sali Berisha akuzoi qeverinë Rama se ka bllokuar 5 herë hapjen e negociatave, pasi nuk ka plotësuar kushtet e duhura. Sipas tij, ky vendim lidhet vetëm me dëshirën e BE për të bërë pjesë të unionit Ballkanin Perëndimor. Kreu i Grupit Parlamentar të PD-së, Enkelejd Alibeaj tha se mbështesin integrimin e Shqipërisë në BE, por thekson se shkaku i bllokimit të negociatave ka ardhur si pasojë e mosplotësimit të kushteve.
Të martën Shqipëria dhe Maqedonia e Veriut do të mbajnë konferencën e parë ndërqeveritare. Kuvendi i Maqedonisë së Veriut ka miratuar sot me 68 vota pro propozimin francez për zgjidhjen e ngërçit me Bullgarinë, që do t’i hapë rrugën procesit të integrimit evropian.
Kryeministri Edi Rama dhe ish-kancelarja gjermane Angela Merkel
Kryetarja e Lëvizjes Socialiste për Integrim, Monika Kryemadhi e konsideron miratimin e propozimit francez nga Kuvendi i Maqedonisë së Veriut si një kapitull të ri për të ardhmen europiane të Shqipërisë.
Kryemadhi duke iu referuar qeverisë, thotë se tashmë nuk do të ketë më fjalë boshe dhe propagandë, por vetëm llogaridhënie dhe kritere për të përmbushur.
“Një kapitull i ri për të ardhmen europiane të Shqipërisë është shkruar sot, me votimin në Parlamentin e Maqedonisë së Veriut në favor të formulës franceze për zgjidhjen e mosmarrëveshjes RMV-BE. Falë këtij vendimi, por edhe shumë sakrificave që RMV si vend i lidhur me ne në procesin e integrimit, ka kryer për të arritur deri këtu, javës tjetër, Shqipëria më në fund mund të mbajë Konferencën e Parë Ndërqeveritare me Bashkimin Europian. Moment i shumëpritur, prej nga ku nuk ka më justifikime, fjalë boshe apo propagandë, por kritere dhe llogaridhënie. Kërkesa me ngulm e LSI ndaj BE ndër vite ka qenë që, edhe me kritikat e institucioneve europiane për mospërmbushjen e kushteve, çelja e negociatave të kryej sa më parë. Duke e konsideruar procesin në vetvete dhe mbikëqyrjen e institucioneve të BE, faktor pozitiv në realizimin e shpejtë dhe cilësor të reformave. Si forcë politike europiane dhe konsensusi, kemi propozuar që prej vitit 2020 realizimin e një pakti kombëtar për integrimin, që reformat kryesore të realizohen sa më parë dhe me bashkëpunim ndërpartiak, duke e bërë procesin e integrimit imun ndaj politikës së ditës dhe kritikave për njëri tjetrin. Java tjetër është historike për të ardhmen e Shqipërisë europiane! Mënyra si i qasemi këtij shansi të ri për vendin, mund ta përshpejtojë apo ngadalësojë procesin për vite me radhë. Ndaj është koha që Kuvendi i Shqipërisë, Qeveria dhe e gjithë politika të ngrihet në nivelin e detyrës që ky mision kombëtar kërkon.”, shkruan Kryemadhi në Facebook.
Presidenti i Këshillit Europian, Charles Michele ka reaguar pas miratimit të propozimit francez nga Kuvendi i Maqedonisë së Veriut duke e konsideruar si një hap të madh drejt BE-së.
“E ardhmja jonë është e përbashkët dhe ne ju mirëpresim me duar të hapura”, shkruan Michel në Twitter.
Pritet që në të njëjtën kohë negociatat e anëtarësimit të nisin si për Maqedoninë e Veriut dhe për Shqipërinë.
Deputeti i Partisë Demokratike Enkelejd Alibeaj ka reaguar pas miratimit të propozimit francez nga Kuvendi i Maqedonisë së Veriut.
Nëpërmjet një postimi në “Facebook”, Alibeaj ka përshëndetur vendimin, duke shtuar se ka ende shumë rrugë për të bërë dhe kushte për të plotësuar. Njëkohësisht është shprehur se PD mbështet integrimin e vendit për në BE. Për deputetin demokrat, qeverisja e Edi Ramë ka qenë ka qenë një dështim për rrugëtimin europian.
"Miratimi nga parlamenti i Maqedonisë së Veriut i propozimit francez për zgjidhjen e ngërçit midis Maqedonisë së Veriut dhe Bullgarisë, i hap rrugë procesit të negociatave të Shqipërisë me BE. Partia Demokratike përshëndet këtë vendim të parlamentit të Maqedonisë së Veriut dhe vlerëson rolin e faktorit shqiptar në këtë vendimarrje. Shqipëria nga ana e saj ka ende rrugë për të bërë, ende shumë kushte për të plotësuar. E gjithë ecuria e qeverisë shqiptare këto 9 vitet e fundit ka qenë një dështim për procesin e integrimit. Edhe pse problemi i Maqedonisë së Veriut dhe vetojq e Bullgarisë ishin çështje që ngadalësuan ndjeshëm procesin e integrimit, shqiptarët e kanë të qartë se ngecja në vendnumëro është pasojë e keqqeverisjes Rama. Pasuar së fundmi me nota arrogance ndaj përfaqësuesve të vendeve mike të BE. Si mënyra e vetme për të larguar vëmendjen nga ngecja e reformave, krimi de korrupsioni galopant, zgjedhjet e vjedhura të 25 prillit, liria e medias dhe problematikat shqetësuese e zhvillimeve në vend. PD e mbështet pa asnjë rezervë integrimin e vendit në BE dhe do të bëjë gjithçka për t'ia mundësuar këtë vendit. Për këtë duhet nisur puna një orë e më parë për rikthimin e pushtetit të votës së lirë. Te votës që nuk blihet me paratë e krimit dhe oligarkisë, që nuk shitet nga frika dhe terrori e regjimit që vë gjithçka në funksion të pushtetit absolut. Shqipëria ka vetëm një destinacion, atë të integrimit në BE. Ne do të punojmë çdo ditë për t’a arritur këtë duke ndërtuar të ardhmen e shqiptarëve mbi vlera dhe parime të ndryshme nga ato që po e mbajnë Shqipërinë peng dhe që po sjell braktisjen masive të vendit.", shkruan Alibeaj.
Kryetarja e Kuvendit Lindita Nikolla ka reaguar pas miratimit të propozimit francez nga Kuvendi i Maqedonisë së Veriut i cili i hap rrugë çeljes së negociatave.
Kryeparlamentarja Nikolla e konsideron si një hap të madh përpara drejt familjes evropiane për Shqipërinë dhe Maqedoninë e Veriut.
“Një hap i madh përpara drejt familjes evropiane për Shqipërinë dhe Maqedoninë e Veriut. Përgëzime kolegut Talat Xhaferi, Parlamentit dhe parlamentarëve të Maqedonisë së Veriut. Sfidat e përbashkëta përballohen bashkërisht! Tani Këshilli Evropian e ka rrugën të hapur për mbajtjen e Tryezës së Parë Ndërqeveritare me Shqipërinë dhe Maqedoninë e Veriut.”, shkruan kryeparlamentarja Nikolla në Facebook.
Të martën do të mbahet konferenca e parë ndërqeveritare e Shqipërisë dhe Maqedonisë së Veriut me Bashkimin Europian, por ish-kryeministri Sali Berisha e ka cilësuar si një zhvillim që lidhet me dëshirën e BE-së për të integruar në union Ballkanin Perëndimor.
Berisha shkruan se negociatat janë bllokuar prej 6 vitesh për shkak se Edi Rama nuk i ka plotësuar kushtet, si edhe vitin e fundit për shkak të vetos bullgare.
“Lidhur me votimin e propozimit francez në Parlamentin e Maqedonisë së Veriut! Të dashur miq, Parlamenti i Maqedonisë së Veriut miratoi propozimin e Francës që i hap rrugën çeljes se negociatave të Shqipërisë dhe Maqedonisë së Veriut me Bashkimin Europian. Me këtë rast Partia Demokratike e Shqipërisë përgëzon Parlamentin e vendit fqinj, dhe përshëndet vendimin e guximshëm dhe historik që mori sot, me të cilin zhbllokoi hapjen e negociatave me BE për të dy vendet tona. Hapjen e negociatave për Shqipërinë me BE, të bllokuara prej 6 vitesh, dhe pasi ato u shtynë 5 herë, për shkak të mosplotësimit të kushteve nga qeveria Rama, dhe vitin e fundit për shkak të bllokimit nga Bullgaria të Maqedonisë së Veriut për zgjedhjen e kundërshtive midis këtyre vendeve, Partia Demokratike e konsideron si një zhvillim të lidhur kryesisht me dëshirën fisnike të BE dhe vendeve anëtare për të garantuar perspektivën europiane të vendeve të Ballkanit Perendimor, pavarësisht se, siç sanksionon rezoluta e Parlamentit Europian, Shqipëria ka probleme të mëdha me standardet, kushtet dhe kriteret e BE. Me këtë rast PD garanton shqiptarët dhe BE, Komisionin Europian dhe vendet anëtare të BE, se do mbështesë, dhe, nesër në pushtet, do të marrë e miratojë çdo ligj, akt e vendim për plotësimin, kapitull për kapitull, e kërkesave të negociatave me BE, dhe për të bërë realitet anëtarësimin e Shqipërisë në BE, si të ardhmen më të shkëlqyer për Shqipërinë dhe shqiptarët”, shkruan Berisha.
Ministrja e Jashtme, Olta Xhaçka ka komentuar miratimin në parlamentin e Maqedonisë së Veriut të propozimit francez.
"Më në fund rruga është e qartë! Urime për miratimin e propozimit duke zhbllokuar kështu perspektivën tonë. Të shikojmë përpara për fillimin e negociatave dhe konferencën e parë me të njëjtin përkushtim ndaj integrimit që ka treguar gjithmonë. Kanë humbur 3 vite! Koha për të kompensuar kohën e humbur", shkruan ministrja e Jashtme.
Presidenti Ilir Meta ka reaguar pas miratimit të propozimit francez në Kuvendin e Maqedonisë së Veriut. Meta thotë se ky vendim i hap rrugë çeljës së negociatave mes Shqipërisë dhe Maqedonisë së Veriut.
“Përshëndes votimin pro-formulës Macron nga Parlamenti i Maqedonisë së Veriut, që çel rrugën e negociatave të anëtarësimit në BE javën e ardhshme për të dy vendet tona. Përgëzoj faktorin politik shqiptar, që gjithmonë mbetet besnik i orientimit europian, vendimtar për paqen, sigurinë dhe bashkëjetesën ndëretnike. Vendimi i Këshillit Europian që do të merret pas disa ditësh duhet të kthjellojë mirë çdo vendimmarës këtu për përgjegjësitë që ka në ndjekjen e politikave që Shqipërinë e bëjnë më europiane, më demokratike dhe më shpresëdhënëse”, shkruan Meta.
Kryetari i Grupit Parlamentar të Partisë Socialiste në një konferencë për mediat tre ditë më parë me deputetin e Bundestagut gjerman, Adis Ahmetoviç deklaroi se Konferenca e Parë Ndërqeveritare e Shqipërisë dhe Maqedonisë së Veriut me Bashkimi Europian do të mbahet të mbahet me datë 18 Korrik.
“Në Këshillin Europian përgatitjet janë gati për të hënën apo të martën, që të mbahet Konferenca e Parë Ndërqeveritare. Ajo që unë thashë me shpresë është që brenda kësaj jave edhe z. Ahmetoviç e tha, një prej detyrave të shtëpisë të vendosura në kuadër të planit Francez për Maqedoninë e Veriut të përmbushet, dhe thirrja ime për të gjithë kolegët deputetë të parlamentit të Maqedonisë së Veriut është që ky parakusht do ta quaja unë, të plotësohet gjatë kësaj jave, në mënyrë që në ato dy ditë, 18,19 apo 20 të ketë mundësi që edhe Maqedonia e Veriut të mbajë Konferencën e Parë Ndërqeveritare”, deklaroi Balla të mërkurën.
Balla teksa ka shpërndarë videon e deklaratës së tij në rrjetin social “facebook” deklaron se ky është një moment historik për Shqipërinë dhe Shqiptarët.
“U kry! Gëzuar Shqipëria jonë dashur këtë moment historik! Mirënjohje çdo shqiptari dhe shqiptatreje që mbështet Shqipërinë Europiane”, shkruan Balla.
Ministri i Jashtëm i Maqedonisë së Veriut, Bujar Osmani ka përshëndetur votimin pro propozimit francez në Kuvend.
“Përshëndes konkluzionet e sotme të Kuvendit, i cili pas një debati të gjerë treditor, propozoi që Qeveria ta miratojë Propozim-kornizën negociouese për të nisur negociatat e anëtarësimit të Maqedonisë së Veriut me Bashkimin Europian. Vendi ynë do të vazhdojë në rrugën e integrimit europian, me vizionin për të qenë një vend i reformave reale europiane dhe një vend i denjë për të jetuar dhe punuar. Qytetarët ndajnë këtë vizion dhe duan të bëhen pjesë e familjes evropiane dhe të kontribuojnë në vendosjen e parimeve evropiane, demokracisë, shtetit të së drejtës dhe prosperitetit ekonomik”, shkruan ai.
Të martën mbahet konferenca e parë ndërqeveritare, reagon Rama
“Negociatat për anëtarësimin e Shqipërisë në Bashkimin Europian s'kanë më asnjë pengesë! Parlamenti i Maqedonisë së Veriut sapo ia ka ndezur dritën jeshile propozimit të fundit francez. Pengmarrja absurde e Shqipërisë ka marrë fund.
U deshën plot 3 vite të stërmundimshme nga vendimmarrja e Këshillit Europian për t'i hapur rrugë negociatave, që vargmali i pengesave artificiale të ngritura përpara Shqipërisë të rrafshohet tërësisht. 3 vite të tëra top futbolli nëpër fushat e interesave të politikës së brendshme të vendeve anëtare - pa harruar edhe xhagajdurët e mëmëdheut, grata e non grata, që tërë këto vite nuk i lanë dy gurë bashkë, për ta bllokuar Shqipërinë për llogari të interesave mizerabël të politikës së tyre pa fe, pa atdhe, pa din e as iman. 3 vite me gjëma të pandara, nga tërmeti tek pandemia dhe tani mes pasojave të luftës në Ukrainë mbi çmimin e jetesës këtu e kudo në botë. Këto sfida të jashtëzakonshme kanë vënë në sprovë jo thjesht qeverinë, po karakterin tonë si vend, si bashkësi njerëzish dhe si shumicë qeverisëse natyrisht.
Ja kemi dalë përsëri! Siç ia dolëm me tërmetin e me pandeminë, kur thuajse askush nuk e besonte se do t'ia dilnim, do t'ia dalim edhe me krizën e re që ka sjellë lufta, po edhe me negociatat që do ta bëjnë Shqipërinë anëtare të Bashkimit Europian.
Ja kemi dalë pa e ulur ritmin e reformave, të punës e të ndryshimit, pavarësisht premtimeve të pambajtura të BE-së. Do t'ia dalim duke e rritur më shumë ritmin, duke e përmirësuar më tej punën dhe duke e thelluar ende më tepër ndryshimin.
Ja kemi dalë pa u mposhtur nga zhgënjimet e as nga lëndimet jo të lehta të këtyre viteve. Do t'ia dalim duke vazhduar të nxjerrim mësime dhe duke mos ngurruar në korrigjimin e vetvetes.
Ja kemi dalë me kokën lart, duke arritur ta ngremë Shqipërinë në sytë e më të mëdhenjve, aty ku ajo s'ka qenë kurrë, e vlerësuar dhe e respektuar si e barabartë në çdo marrëdhënie ndërkombëtare. Por të mos e harrojmë, ky nuk është fundi i rrugës sonë, por vetëm fillimi i një pjese të re të rrugës për Shqipërinë që duam.
Delegacioni shqiptar do të niset të hënën në Bruksel për ta filluar këtë pjesë të re rruge, duke filluar negociatat e anëtarësimit. Do t'ia dalim në krye edhe kësaj pjese të re përpjekjesh, duke u lidhur më ngushtë me shqiptarët dhe duke e synuar me forca të reja majën ku do ta ngjisim me se s'bën Shqipërinë.
Faleminderit të gjithëve ju, që më mbështesni e inkurajoni apo më ngacmoni e nxini jetën me komentet tuaja.
Faleminderit të gjithë shqiptarëve që me votën e tyre, na e kanë besuar neve, socialistëve e progresistëve, këtë mision historik për Shqipërinë dhe po ashtu, faleminderit, atyre që duke mos na e dhënë votën, na kanë bërë më luftarakë e kokëfortë për misionin e Atdheut tonë të përbashkët.
Faleminderit miqve e partnerëve tanë, që të gjithëve, për mbështetjen, kritikat, por edhe për refuzimet e viteve të fundit, të cilat na kanë ushqyer forcën, kalitur durimin dhe mprehur urtësinë.
Faleminderit në fund, por jo për nga rëndësia, edhe Lindës e fëmijëve, që mbajnë në këtë rrugë barrën e një sakrifice të mundimshme, të cilën veç ata e askush tjetër mund ta kuptojnë dot se çfarë halli është.
Për hajër”, tha Rama.
Komente
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50
O Kanan që të tana i ban tani në drejtimin e Shqipris do vejm non gratën tane Salhe bajgën. Që ta boj prap 97, Gërdecin, firmat üiramidale o Kanan hale.
PërgjigjuBravo shoku Rama. BE ka nevoje per njerez si Ju. Imagjino sikur te legalizoje tere parate e krimineleve te Evropes, do ishe star. Pls nxirre.Tahirin nga burgu se gjynaf. Beje nje ligj edhe per te. Une do.mbledh firma qe Skenderbeun ta heqim nga sheshi dhe te veme nke permendore tenden. Je me.i.madhi nga te gjithe heronjte. Te do per te shemtuar, te lig, mburravec, spiun, servil hajdut, tana i ke.
PërgjigjuRespekte zoti Rama per punen tuaj te palodhur dhe vendosmerine per ti treguar BE qe Shqipria ka vetem nje destinacion dhe ajo esh Evropa
PërgjigjuJu të pd jeni me tvërtet të shitur edhe tradhtar ju e keni treguar në shum raste Ju punoni për shtetet fallce grek+sllave që ju paguajn për shërbimet që bëni për përfitimet e tyre Edhe për shkatërrimin që i keni bërë Shqipëris Ata ju paguajn aq shum sa që akoma jeni në jet si parti se ndryshe ju do ishit zhdukur si parti o spiuna të ndyr Shqipëria do bëhet doni apo zdoni ju spiuna Edhe kto media shum të lodhura nuk merren me hallet e Shqiptarve Po merren me saliviçis Turp të humbësh koh me ktë spiun Edi rama vazhdo udhën ti spiunët le të tërbohen që spo të ndalin dot
PërgjigjuPergezime dhe suksese te metejshme per punen e mbetur ne kete progres te gjate
PërgjigjuMe ne fund Shqiperia do te jete pjese e BE fale punes te palodhur tuajen
PërgjigjuPropozoj qe meqe punet e brendshme dhe te jashtme i ben shoku Edi vete po vetem fare, ti heqim tan ministrat se nuk na duhen dhe tane rrogat ti marre Kryeministri. Boll eshte lodh! Madje ti kerkojme edhe BE ti jape nje perqindje nga rrogat e tyre. Ndersa Berisha dhe Meta ne burg te shkojne se na e merrni per ters komentin ku fatosat dhe pioneret e neokomunizmit te bllokut.
Ju lumte Edi Rama per gjithe punen qe keni bere me Shqiperine pasi vetem fale jush gjendemi ne nje vend qe eshte zhvilluar kaq shume
PërgjigjuJu desh maqedonise ti jap nje shuplake fakenews-saliut qe ndoshta do kete fatin e Gruefskit
PërgjigjuBRAVO EDI RAMA ,,,,EUROPA U TREMB NGA TY,,,SEPSE TI I THE PO S'NA HAPET BISEDIMET,,,NE DO LIDHEMI ME RUSINE APO KINEN,,,,DHE EUROPA E HENGRI RRENGUN TEND,,,,,U TREGOVE I ZOTI EDI RAMA,,,KESHTU DUHET TA BESH DHE ME RASTE TE TJERA,,SEPSE EUROPA NUK I HA SHUME MERAKU PER NE...
PërgjigjuNga nje ane me vjen mire qe shqipria tashme ka rrugen vaji per ne BE,ndersa Alibeaj mundohet te krijoj terren per te hedhur balt e ktu duke lidhur me vonesen per antarsim nga propozimi francez me bashkimin e krimit me qeverine tregon edhe nje here qe e vetmja menyre sesi opozita akuzon qeverine eshte shpifja
Përgjigjuju bini ne kontradite me veten po te kishte keqeverisuf ai sdo ishim futur o debila
Përgjigjupo ju ca keni bere deri me sot? nje mut te madh
Përgjigjuturp per ju qe keni goj e flisni akoma. alibeaj dhe sala sduhet tflasin fr, kta kan marr fund fr si parti
Përgjigjute ishte per ju se dim as ku do ishim der tn, hajduta e kriminela
Përgjigjuah medet kur keni goj e flisni e ju, kryekriminela
Përgjigjune vetem fal ps dhe rames kemi arrit deri ktu se nga ju skemi perfitu asgje per me teper e keni rrenu vendin
PërgjigjuPo shyqyr e arritem kte dite prej punes Rames se te ishte per ate partine tuaj o alibeaj pale sa vite mbrapa do ishim ne te shkretet
PërgjigjuO alibeaj po vonesa ka ardh si pasoje e gabimeve qe ka ber ai non grada juaj qe ska lene gje pa shkaterruar ne kete vend
Përgjigjupo kur kan goj e kta qe skan ber asgje per vendin kriminelat
Përgjigjuhapen gojenn nongratat te vjellin vrer
PërgjigjuPse gjithmone ky Alibeaj eshte njeri negativ…mjer ne qe rrethohemi nga te tille njerezish,fat per ne qe kemi Edin ne krye te vendit se te ishte per Saliun apo te tjeret ne vend numero do ishimmm!Ishalla te marten marrim pergjigje pozitive dhe anetaresohemi ne BE!
PërgjigjuNje lajm shume i mirrrrrr per te gjithe ne ,tani shpresojme qe te marten te marrim dhe pergjigjen e shumepritur,te aprovohet endrra e te gjithe shqiptareve!Me ju perpara Edo!
PërgjigjuFat per ne qe ju kemi ju ne krye te vendit kryeminister,fale jush ja arritem dhe kesaj dite!Sa me shpejt te anetaresohemi ne BE ishalla!
Përgjigjuhahaha po ske ca te thush me o non grata sepse ke inat pse ti sbone gjo per shqipnin se te mbyllen syt ato gjerat e jashtligjshme,,,gezohu mor burr gezohu
Përgjigjuhahaha ky berisha esht trrap fare pz...dhurat e BE thot,,, kshu do thush ti se te kan marr mendjen korrupsionet ahahahah
Përgjigjuo berish si mund te thuash dhurat nderkohe qe rama ka ber plot pune per te arritur ne kete dite kaq fantastike per shqiperine
Përgjigjume ne fund punet projektet e medha po finalizohen me kete lajm ,,, jemi te sigurt qe dhe te marten si gjithmon do kemi nje perfaqesim teper dinjitoz nga na juaj z,rama
PërgjigjuTe ishte per ju te pd qe vetem kritikoni do i bashkoheshim serbis sic i keni pas shitur naft do i shisnit tokat shqiptare kshu qe pushoni dhe lejeni ramen ne punen e vet se ai do e fusi shqiperin ne be
Përgjigjuky alibeaj ska ca thot e hajt ja ben me mendjen e vet thot po flas brockulla ,,,po gezohu mor gezoohu e shiko se me pune arrihen te gjitha e jo me korrupsione
PërgjigjuO alibeaj o skuth po ti ske fituar as zgjedhje ne pd dhe del kritikon se si rama po mban peng shqiperine kur vetem fal tij po hyjme ne kete kohe se te ishte per ju do plakeshim vetem
Përgjigjuky lajm fantastik na gezoi zemrat tona dhe na beri te kuptojme qe puna durimi e vullneti gjithmone shperblehen
PërgjigjuZoti rama ka punuar shume per te arritur deri ketu dhe jemi te lumtur
PërgjigjuVetem nje kryeminister si ju do bente gjithcka sic ka bere deri mw sot
PërgjigjuZoti rama bravo keni qene nje mbeshtetje e madhe ne gjithe kete gistoru shpresojme qe delegacioni te dale faqebardhe
PërgjigjuZoti rama ka ber nje pun te madhe per kte vend dhe ne ate mbledhje do i shperblehen te gjitha
PërgjigjuO ju te pd-se jeni te gjithe te vonuar
PërgjigjuPas shume kembenguljeve dhe mundimi me ne fund ia arritemm
PërgjigjuBravo zoti rama vetem fal kembnguljes tuaj e arritem kete dite e meritojme kete status dhe e gezofshim
PërgjigjuDo e shikojm ne fund te mbledhjes kush do talli ke si sala si meta
PërgjigjuShqiperia me ne fundd eshte kudoo krenare qe kemi nje kryeminister te persosur si Rama
PërgjigjuLere crhone keta te pdse o rama ti vec ec perpara te punosh dhe te kontribuosh per vendin
PërgjigjuPo se kur qeveriset ju o Alibeaj na kenaqet
PërgjigjuTju vije turp qe keni guxim ofendoni dhe kete arritje jeni per te ardhur keq
PërgjigjuVetem fale punes dhe perkuahtimit qe keni ju si qeveri ndaj ketij vendi, negociatat per pranomin ne be u rihapen per vendin shume urime
PërgjigjuBerisha e gjith te tjeret do e shikojne ne fund te mbledhjes per punen e zotit rama
PërgjigjuPo keta te pdse vec me fol jane se pune sbejne asigere. Spo rregullojne sot nje parti imagjino te ishin ne krye te vendit
PërgjigjuShpresojme qe integrimi i shqiperise ne be te vije sa me shpejt dhe sa per kete alibeajn mos ja varni e ka nga humbja
PërgjigjuHec përpsra Edi Rama burr i madh i Shqipris balonat tabake e tauke të vin ta lëpin o Burr i madh shteti. Rroft Shqipria posht sorrat tabake halabake.
PërgjigjuSa e ka bere carcafin e fjalimit tjetri. Une dhe Linda dhe kalamajte thote e beme kete pune, dhe socialist. Dhe tashi do e ngjisim te "maja". Hajde mburravec por nga ata te liqte, egoist dhe genjeshtar. Markoni i shkrete beri marreveshjen, Leyen erdhi dhe foli me mes te Shkupit per te dhene kuraje per konsensusin, por jo ore jo! E do sipas qefit te vet prrallen shoku Edi ku ne qender te universit te tij mediokerr eshte vetem ai.
PërgjigjuPo pse e Karaduze Tropoje ti i plotesoshe kushtet per heqjen e vizave e pranimin ne NATO? Po si nuk ta nxe goja nje fjale te mire o kufome.
PërgjigjuKush degjon tani Ramen dhe oborrin kur tja fillojne me iso serish per "Belulin". Sepse Ay flet vetem ne veten e pare...une, une, une!
PërgjigjuPara Shqiperia, se bashku me Maqedonine e Veriut Ukrainen dhe Moldavine drejt B.E. Poshte Rusia e Putinit
PërgjigjuPse eshte e merzitur PD, Alibeu, Tabaku, Birisha e Company. Kane 8 vjet qe lehin kunder integrimit, shpifen sidomos 4 vitet e fundit ne cdo kancelari europiane kunder pranimit. Ishte e qarte qe ishte pengmarrje, e thonte e gjithe Europa sepse cdo shtet individualisht na kishte pranuar, kish dhene miratim. Shkoni hapi tagji ne garazhd, se per ate jeni. Me qelbesira si ju, popullit i duhet kjo qeverisje dhe jo e juaja.
Te gjithe gezohen per kete fakt ,vec dhjerokratet,saiu enkelejdi thuthuqi aldo rumpalla e plote te tjere qe i kemi dhurate nga fshatari i vicidollit