Ditën e mërkurë në aeroportin "Nënë Tereza" pritet të mbërrijë në Shqipëri trupi i pajetë i major Klodian Tanushit, i cili humbi jetën 3 ditë më parë. Trupi i majorit të rënë në krye të detyrës do të vijë në atdhe me avion ushtarak. Homazhet në nder të tij do të zhvillohen ditën e enjte, ndërkohe që pritet të saktësohet orari dhe vendi.
Sot, kolegët në grup-batalionin e NATO i dhanë lamtumirën shokut të tyre të rënë në krye të detyrës në një ceremoni të zhvilluar në bazën Adazi, ku shërben kontingjenti shqiptar.
Tanushi nuk mundi që t'i mbijetonte plagëve të marra si pasojë e shpërthimit të një mine gjatë misionit në Letoni. Prej 7 ditësh ishte i shtruar në spitalin e Rigës në gjendje të rëndë, e ndërsa ndërroi jetë mbrëmjen e së premtes, më 10 maj.
Pas ndërrimit jetë të dy efektivëve të Forcave të Armatosura gjatë shpërthimit të një mine në Letoni, nëntetare Zarife Hasanaj dhe major Klodian Tanushi një reagim vjen nga zv. kryeministri Letonisë. I ndodhur në një vizitë zyrtare në SHBA, zvendës kryeministri dhe njëherësh Ministri i Mbrojtjes së Letonisë, Artis Pabriks ka vizituar sot ambasadwn shqiptare në Uashington, ku ka lënë shënimin e tij në librin e ngushëllimeve për dy efektivët.
Në ambasadat shqiptare në SHBA, Kanada, Kosovë, Rumani, Turqi, Bullgari është hapur libri i ngushëllimeve për efektivët e FA, Tanushi dhe Hasanaj që humbën jetën në krye të detyrës. Mes shënimeve të lëna, bie në sy ajo e ministrit të Brendshëm të Kosovës, Rrustem Berisha. "Heronjtë e paqes", i cilëson ai dy ushtarakët që humbën jetën teksa ishin në mision në Letoni.
Lajme të tjera
-
Bija tropojane, Zarife Hasanaj nderohet me titullin ’Qytetar Nderi'
5 Mars 2020, 22:58
