POP 5

Lajmet më të lexuara të 5 minutave të fundit

Sport

Te Milani tërbohen me Conceiçaon, e ardhmja e trajnerit në pikëpyetje! Hatërmbetja e Ibrahimovic

Ulje-ngritjet e rezultateve dhe dështimi 1-0 në Champions League kanë lëkundur pozitat e trajnerit Sergio Conceiçao, vetëm dy muaj pas firmës me kuqezinjtë.

Te Milani tërbohen me Conceiçaon, e ardhmja e trajnerit në pikëpyetje! Hatërmbetja e Ibrahimovic

Sergio Conceiçao dhe Zlatan Ibrahimovic

Nuk ka paqe në shtëpinë e Milanit. Ulje-ngritjet e rezultateve dhe dështimi 1-0 në Champions League kanë lëkundur pozitat e trajnerit Sergio Conceiçao, vetëm dy muaj pas firmës me kuqezinjtë. Si të mos mjaftonin rezultatet me hope, edhe Zlatan Ibrahimovic nuk është bindur nga loja e ekipit.

Sipas 'Il Corriere dello Sport', këshilltari i Milanit dhe Red Bird, Ibrahimovic nuk është plotësisht i kënaqur me trajnerin e ri Conceicao, i cili zëvendësoi Paulo Fonsecan në dhjetor të 2024.

Conceiçao ka një mesatare më të mirë pike për lojë se paraardhësi i tij (1,83 kundër 1,58), por kuqezinjtë mbeten shtatë pikë larg katër vendeve të para dhe humbën në ndeshjen e parë play-off të Champions kundër Feyenoord të mërkurën.

Corriere dello Sport raporton se Ibrahimovic dukej i pakënaqur në tribunë kur pa Conceiçaon të zëvendësonte Santiago Gimenez dhe Rafael Leao me Francesco Camarda dhe Tammy Abraham në minutat e fundit të ndeshjes në Rotterdam.

Ish-sulmuesi, i cili shërben si këshilltar i Red Bird, tha para ndeshjes se Conceiçao “kishte dy ekipe” në dispozicion pasi mirëpriti pesë nënshkrimet e janarit.

Trajneri u përgjigj: “Në të vërtetë janë më shumë se dy, pasi kemi shumë në sektorin e të rinjve”, por sipas CorSport, Ibrës nuk i ka pëlqyer komenti i tij.

Kjo situatë nuk i shkon përshtat klubit, me trajnerin që ka kontratë deri në verën e 2026 dhe në fundin e këtij sezoni nëse nuk bind Milani mund ta largojë. Duket se ndeshjet e ardhshme janë vendimtare dhe një kualifikim në Champions League për sezonin e ri do ulte zërat për një largim të portugezit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 20 Mars, 10:18

    Nisin kualifikueset e Botërorit, si del Angli-Shqipëri?

Lajme të tjera



×

Lajmi i fundit

'Janë vetëm dëshira'/ Premtimet e PD-së 'përplasin' ekonomistët në studion e Report Tv, Çoçoli: Ku do i gjejë Berisha paratë për 1200 euro pagë mesatare?

'Janë vetëm dëshira'/ Premtimet e PD-së 'përplasin' ekonomistët në studion e Report Tv, Çoçoli: Ku do i gjejë Berisha paratë për 1200 euro pagë mesatare?

20 Mars, 20:11