POP 5

Lajmet më të lexuara të 5 minutave të fundit

Kultura

Të Paharruarit! Ambasadori i Austrisë mesazh në shqip nga Spaçi: E vërteta ulëret

Në një nga godinat e ish-kampit famëkeq të Spaçit u organizua aktivitet përkujtimor me letërsi dhe muzikë në 40-vjetorin e pushkatimit të 3 ish-të burgosurve. Ambasadori austriak, Johann Sattler, bëri apel për të mos e lënë Spaçin në harresë, por ta kthejnë në një vend kujtese dhe reflektimi për të rinjtë.

Të Paharruarit! Përkujtimore në letërsi dhe muzikë, ishte aktiviteti i organizuar në ish-burgun më famëkeq të Spaçit në Mirditë.

E kaluara e Spaçit, si një nga shëmbëlltyrat më të egra të regjimit të diktaturës, është sjellë në vëmendje në këtë aktivitet nga ambasadori i Austrisë Johann Sattler, ministrja e Kulturës Elva Margariti, Agron Tufa drejtor i Studimeve për Krimet dhe Pasojat e Komunizmit (ISKK) dhe Jonida Godole Drejtore e Institutit për  Demokraci, Media dhe Kulturë.

Ministrja e Kulturës, Elva Margariti theksoi nevojën për dialog mbi të shkuarën, që duhet të përfshijë vendet e kujtesës dhe ruajtjen e tyre.

"Më vjen ndër mend një thënie e Faik Konicës, 'E vërteta nuk ka nevojë për stil gjarpërues e të yndyrshëm të shkrimeve akademike, e vërteta ulëret'.

Pikërisht për ketë jemi sot këtu, për të mos lënë në harresë këtë të vërtetë, por për ta parë në sy, për të kundërshtuar regjimin e diktatorit" tha ambasadori Johann Sattler në gjuhën shqipe.

Ish-të dënuar kthyen në kohë vuajtjet nëpërmjet shkrimeve në librat e tyre.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça